Akcior Alaksandr Ždanovič, jaki bolš za dva dziasiatki hadoŭ byŭ Malavanyčam u «Kałychancy», ciapier viadzie novuju pieradaču ŭ jutubie. Što za jana?
Alaksandr Ždanovič staŭ viadoŭcam prajektu «Biez retušy», jaki vychodzić na jutub-kanale Malanka Action. Ciapier Malavanyč budzie jeździć pa roznych krainach i znajomić hledačoŭ z historyjami adaptacyi našych suajčyńnikaŭ za miažoju.
Pieršy vypusk pryśviečany Šviecyi. Za paŭtara tydnia kamanda naviedała čatyry harady, kab pakazać krainu z roznych bakoŭ.
Pačałosia padarožža z sustrečy ź Iharam z Hrodna — byłym milicyjantam, jaki žyvie ŭ Šviecyi ŭžo amal 20 hadoŭ. Mužčyna pačynaŭ jak prosty rabočy na budoŭli, a ciapier kiruje ŭłasnaj budaŭničaj firmaj, jakaja adnaŭlaje masty. Ihar zvaziŭ viadoŭcu ŭ Vakscholm — malaŭničaje miesca, jakoje, na jaho dumku, pakazvaje «sapraŭdnuju Šviecyju».
Mastačka Ludmiła Chryściesieva zaprasiła Malavanyča ŭ kaviarniu, stoliki jakoj litaralna stajać pasiarod mohiłak. Ludmiła ciapier ładzić pierformansy ŭ bujnych muziejach, stvarajučy mastactva z prostych rečaŭ nakštałt starych halštukaŭ.
Ale nie ŭsie historyi ŭ vypusku — pra šmathadovy pośpiech. Kab prademanstravać ciažkaści, ź jakimi sutykajucca novyja emihranty, Ždanovič adpraviŭsia ŭ maleńki horad Hniesta da siamji Kastusia i Ksienii. Jany pierajechali try hady tamu i prajšli praz składany šlach: trojčy atrymlivali admovu ŭ palityčnym prytułku.
U ich starejšaha syna redkaje hienietyčnaje zachvorvańnie. Ale praz vysokija padatki ŭ Šviecyi ludzi majuć biaspłatnuju jakasnuju miedycynu dla dziaciej i padtrymku ŭ škołach, dzie navat jość mahčymaść vyvučać biełaruskuju movu jak rodnuju.
Zaviaršyłasia vandroŭka viartańniem u Stakholm da siamji dyrektarki Centra novych idej Lesi Rudnik i jaje muža Mikałaja. Jana paviała viadoŭcu na błyšyny rynak i raskazała pra šviedskija tradycyi asensavanaha spažyvańnia i adnačasova pra supiarečnaść: pry ŭsioj ekałahičnaj kultury šviedy zastajucca adnoj z najbolš spažyvieckich nacyj Jeŭropy. Žančyna taksama padzialiłasia svaim dośviedam vučoby i pracy: jak ciažka pastupić i čamu, navat paśla dziesiaci hadoŭ u krainie, šviedskich siabroŭ zvyčajna niašmat.
Jaje muž Mikałaj dniom pracuje barbieram, a ŭviečary pieratvarajecca ŭ zorku skandynaŭskaha restlinhu, razburajučy stereatypy pra toje, čym mohuć zajmacca biełarusy za miažoj.
U nastupnych vypuskach aŭtary abiacajuć pakazać poŭnač Šviecyi i paznajomić ź inšymi cikavymi biełarusami.
Prajekt «Biez retušy» vychodziŭ i raniej, ale ŭ inšym farmacie — fatohrafy Jaŭhien Kanaploŭ i Julija Lejdzik razmaŭlali ź viadomymi biełarusami i rabili ich partrety. Paśla dvuch siezonaŭ jany razyšlisia z kanałam «Małanka».
«My vyjšli z hetaha sajuza, tamu što ja (Jula) akazałasia «niazručnaj». Pradziusar jašče ź pieršaha siezona namiakaŭ, što lohka znojdzie nam zamienu — «heta nie prablema».
My chočam praciahnuć spravu, jakuju rabili ź luboŭju i stoadsotkavaj addačaj — kab pakazvać maksimalna ščyryja i sapraŭdnyja kavałački z žyćcia čałavieka.
My nie raźvitvajemsia. Chutka abviaścim zbor srodkaŭ na piłotnuju viersiju novaha prajektu — padarožža pa ŭnutranym śviecie asoby», — napisali fatohrafy.
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary
Čiełoviečiŝie!