Hramadstva

Z Ruskaha teatra zvolnili Malavanyča

Z Nacyjanalnaha akademičnaha dramatyčnaha teatra imia Maksima Horkaha zvolnili artysta Alaksandra Ždanoviča, piša «Narodnaja Vola».

Viadomy akcior, eks-viadoŭca Malavanyč ź dziciačaj prahramy «Kałychanka» Alaksandr Ždanovič pakinuŭ učora ścieny rodnaha teatra. Uvosień za ŭdzieł u akcyi pratestu jon atrymaŭ 9 sutak aryštu. Ale i potym nie chavaŭ svajoj ćviordaj hramadzianskaj pazicyi nakont falsifikavanych vybaraŭ, uvieś čas vystupajučy ŭ sacyjalnych sietkach. Kažuć, što na stale dyrektara teatra lažali ŭsie skrynšoty pastoŭ artysta.

Žurnalisty «Narodnaj Voli» źviarnulisia pa kamientar da dyrektara teatra Eduarda Ivanaviča Hierasimoviča:

— Ja za jaho zmahaŭsia jak moh: prapanavaŭ jamu i piataje, i dvaccataje — prykładam, zvalnieńnie pa pahadnieńni bakoŭ. Ale Alaksandr vyrašyŭ abrać šlach zvalnieńnia mienavita ŭ takoj bieśpiarečnaj formie — pa artykule 47, za stratu davieru z boku najmalnika. Peŭna što, heta jamu dla niečaha treba.

— Skažycie, moža, vas prymusili heta zrabić, Eduard Ivanavič?

— Nie pravakujcie mianie, nie treba. Alaksandr svaimi dziejańniami parušyŭ «Kodeks honaru», pryniaty ŭ teatry. Jon zaklikaŭ da adkrytaha vystupu suprać ułady ŭ sacyjalnych sietkach. Uvohule, pierabraŭ sa svaimi paŭnamoctvami.

— Kažuć, što ciapier u vas na stale ceły śpis artystaŭ na zvalnieńnie. Heta tak?

— Nu jak z vami havaryć, kali vy ŭsio ŭžo viedajecie?.. Razumiejecie, visić zahad ab atestacyi kalektyvu. Atestacyi! A vy pra «ceły śpis» na zvalnieńnie… Bačycie, jak niapravilna vy traktujecie situacyju. Atestacyja rehularna prachodzić kožnyja try hady. Pryjšoŭ čas pravieści jaje i ciapier.

— Ale Alaksandra Ždanoviča zvolnili da atestacyi?

— Viadoma. Heta było ŭčora.

— Vam nie zdajecca, što «Kodeks honaru», stvorany administracyjaj Ruskaha teatra ŭ vašaj asobie, — heta palityčna matyvavany dakumient?

— Nie zdajecca. Tam usie słušnyja słovy napisany, i mienavita dla taho, kab ludzi pracavali ŭ dziaržaŭnaj ustanovie. A pra pryvatnyja ja zusim maŭču, tam nijakaha kodeksa nie treba: raz — i da spatkańnia, kali tolki parušana karparacyjnaja etyka.

Čytajcie taksama: 
Malavanyč: U padjeździe susiedzi paviesili płakat, što hanaracca mnoj. A kala turmy sustrakała tracina teatra

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Bolš nijakich ružovych kaściumaŭ. Styl Natalli Piatkievič źmianiŭsia kardynalna17

Bolš nijakich ružovych kaściumaŭ. Styl Natalli Piatkievič źmianiŭsia kardynalna

Usie naviny →
Usie naviny

Na biełaruskim aŭkcyjonie chočuć pradać stary płašč za 30 tysiač rubloŭ2

Šrajbman apisvaje varyjanty, jak pry Trampie moža skončycca vajna va Ukrainie8

CHAMAS zamiest zahinułaj zakładnicy pieradaŭ Izrailu cieła inšaj žančyny

U Homieli daŭžnika šukali čatyry miesiacy. A jon uvieś hety čas u hrymie i na vazku prasiŭ miłaścinu pa zadańni

U Biełarusi pačnuć vypuskać suchija vinahradnyja viny sa svajoj syraviny

Ci moža Mask adklučyć ukraincam Starlink? 8

Top artystaŭ novaj chvali, jakija robiać pieśni pa-biełarusku11

Mark Formelle prapanavaŭ dyzajn novych cišotak «Biełarusy havorać»7

Nacbank pastrožyŭ patrabavańni da bankaŭskich kartak

bolš čytanych navin
bolš łajkanych navin

Bolš nijakich ružovych kaściumaŭ. Styl Natalli Piatkievič źmianiŭsia kardynalna17

Bolš nijakich ružovych kaściumaŭ. Styl Natalli Piatkievič źmianiŭsia kardynalna

Hałoŭnaje
Usie naviny →

Zaŭvaha:

 

 

 

 

Zakryć Paviedamić