Maładziečancy marać, kab ich horad nasamreč byŭ tak upryhožany da kaladnych śviataŭ.
Aŭtar rolikaŭ pra Maładziečna pad nikam @iaygen apublikavaŭ u tyktoku videa ź lubimym horadam, zaŭvažyła vydańnie «Blizka».
Žychary Maładziečna aktyŭna abmiarkoŭvajuć novy rolik ź vidami rodnych vulic, zalitych śviatłom kaladnych ahnioŭ.
Nad płoščaj pranosicca Santa na aleniach, da pierona nabližajecca śviatočny ciahnik, upryhožany sotniami lampačak, utulnyja vułački achutanyja śnieham i azdoblenyja tysiačami hirland.
«Što heta, i praŭda taki prypynak i tak upryhožany horad? Ci znoŭ kampjutarnaja padstava?» — pytajucca kamientatary.
«Aha, i Santa z aleniami sapraŭdny», — adkazvajuć im. «I śnieh», — dadajuć skieptyki.
Tolki aptymisty nie zdajucca, adznačajučy, što navat biez efiektnych upryhažeńniaŭ i jarkaj padśvietki ich horad usio roŭna najlepšy ŭ śviecie.
Zrešty, lubyja sprečki raźbivajucca ab žalezabietonny arhumient: «U prybiralniu na «Fiestyvalnym» usio roŭna nie pajdu».
Videašerah supravadžajecca viadomym trekam «Maładziečna», jaki składajecca ŭsiaho z adnaho słova. Chto nie choča napiavać jaho ŭvieś čas, hladzicie biez huku.
Ciapier čytajuć
Kvadrat u Minsku kaštuje rekordna doraha: narešcie pabity rekord 2007 hoda2
Kamientary