Hubiernatar Vałhahradskaj vobłaści Andrej Bačaroŭ paviedamiŭ, što Vałhahrad źviedaŭ udary ukrainskich dronaŭ.
U svaim telehram-kanale jon napisaŭ, što adbićcio ataki praciahvajecca i «na hety momant paciarpiełych i paškodžańniaŭ abjektaŭ niama».
Nad Vałhahradam prahrymieła kala 20 vybuchaŭ, i prykładna dziesiać dronaŭ byli źniščanyja.
Pavodle infarmacyi hetaha kanała, bolšaść vybuchaŭ zafiksavana ŭ Čyrvonaarmiejskim rajonie horada.
Tam znachodzicca naftapierapracoŭčy zavod «ŁUKOJŁ-Vołahradnaftapieracoŭka», pa jakim u minułym nieadnarazova bili ŭkrainskija drony.
Aficyjnaj infarmacyi pra toje, jaki mienavita abjekt staŭ cellu dronaŭ, niama.
Ministerstva abarony RF paviedamiła, što ŭ noč na piatnicu rasijskija siły supraćpavietranaj abarony źbili 77 ukrainskich bieśpiłotnikaŭ samalotnaha typu.
U tym liku rasijskaje vajennaje viedamstva piša pra 34 drony nad terytoryjaj Vałhahradskaj vobłaści.
Akramia taho, pavodle danych Ministerstva abarony RF, 23 drony byli źbityja nad Rastoŭskaj vobłaściu, pa 5 — nad Kałužskaj vobłaściu i anieksavanym Krymam, 3 — nad Maskoŭskaj vobłaściu, 3 — nad Čornym moram, 2 — nad Biełharadskaj vobłaściu i pa adnym — nad Varoniežskaj vobłaściu i Azoŭskim moram.
Ciapier čytajuć
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary