U viciebskim kaledžy dva studenty vysadzili dźviery i parezalisia škłom
U vieraśni hetaha hoda ŭ navučalnym korpusie adnaho ź viciebskich kaledžaŭ zdaryŭsia incydent — dva padletki atrymali surjoznyja traŭmy. Adzin ź ich chutka išoŭ pa kalidory i ŭrezaŭsia ŭ dźviery kabinieta, u jakich razburyłasia škło.
U vyniku paciarpieli dva studenty — jany atrymali parezanyja rany. Abodva trapili ŭ balnicu, dzie im nakłali švy, paviedamlaje prakuratura.
Niahledziačy na ciažar zdareńnia, administracyja kaledža parušyła patrabavańni pastanovy Ministerstva adukacyi. Pravierka pakazała fakt chavańnia niaščasnaha vypadku. U pryvatnaści, u žurnale rehistracyi mikratraŭm byŭ zafiksavany tolki adzin paciarpieły.
A sami rany byli kvalifikavany jak «mikratraŭmy», što dazvoliła ŭstanovie paźbiehnuć abaviazkovaha praviadzieńnia śpiecyjalnaha rasśledavańnia. Taksama zakonnyja pradstaŭniki paciarpiełych dziaciej i vyšejstajačyja orhany nie byli naležnym čynam prainfarmavanyja ab zdareńni.
U vyniku — pa patrabavańni prakuratury h. Viciebska za parušeńnie ŭstanoŭlenaha paradku rasśledavańnia i ŭliku niaščasnych vypadkaŭ čaćviora słužbovych asob pryciahnuty da dyscyplinarnaj adkaznaści.
Ciapier čytajuć
Połk Kalinoŭskaha paviedamiŭ pra hibiel troch bajcoŭ3
Kamientary