Kitaj vydzielić Biełarusi technika-ekanamičnuju dapamohu sumaj 300 miljonaŭ juaniaŭ. Heta praduhledžana pahadnieńniem ab supracoŭnictvie ŭ śfiery raźvićcia, jakoje było padpisana ŭ Minsku 9 śniežnia 2025 hoda, a ciapier apublikavana na Nacyjanalnym pravavym partale.
Hetyja srodki płanujecca nakiravać na realizacyju prajektaŭ, uzhodnienych pamiž bakami. U dakumiencie padkreślivajecca, što havorka idzie ŭ tym liku pra nievialikija sacyjalna aryjentavanyja prajekty z abmiežavanym finansavańniem i karotkimi terminami vykanańnia. Kankretnyja napramki vykarystańnia hrošaj buduć vyznačacca ŭ asobnych dadatkovych damovach.
Dla ažyćciaŭleńnia finansavańnia «Biełarusbank» i Dziaržaŭny bank raźvićcia Kitaja adkryjuć adzin dla adnaho rachunki ŭ juaniach biez pracentaŭ i kamisij.
Adznačajecca, što heta nie pieršy vypadak, kali Piekin akazvaje takuju dapamohu Minsku. Anałahičnaje pahadnieńnie na takuju ž sumu było zaklučana ŭ žniŭni 2024 hoda. Tady srodki vykarystoŭvalisia na raźvićcio infarmacyjna-kamunikacyjnych technałohij i budaŭnictva žyllovaha kompleksu ŭ kitajska-biełaruskim industryjalnym parku «Vialiki kamień».
Pavodle aktualnaha kursu, 300 miljonaŭ kitajskich juaniaŭ ekvivalentnyja prykładna 43 miljonam dalaraŭ ZŠA.
Biełaruś choča ŭziać kredyt u Kitaja na kuplu miedycynskaha abstalavańnia
Budučynia nastupiła: Kitaj płanuje raźvivać latajučy bieśpiłotny transpart
Pa stratnym kursie, navat kali pašancuje. Dzie ŭ Minsku možna abmianiać ekzatyčnuju valutu
Kitajski konik, jaki źjaviŭsia ŭ vyniku braku vytvorčaści, staŭ virusnym chitom siezona
Kamientary