Pry kancy isnavańnia SSSR kazachi stali mienšaściu ŭ svajoj nacyjanalnaj respublicy. Za 20 hadoŭ niezaležnaści ich dola ŭ nasielnictvie rezka vyrasła. Pa-pieršaje, z krainy vyjechali mnohija mihranty ŭ pieršym i druhim pakaleńni. Pa-druhoje, u Kazachstan pierajechała kala miljona arałmanaŭ — etničnych kazachaŭ-pierasialencaŭ ź inšych krainaŭ. U cełym dola kazachaŭ vyrasła z 48 da 63%.
A razam z ujhurami, dunhanami, uźbiekami i inšymi karennymi nacyjanalnymi mienšaściami kazachi ciapier składajuć absalutnuju bolšaść nasielnictva krainy — amal 70% nasielnictva.
Jašče 20 hadoŭ tamu mnohija mierkavali, što zasielenaja rasiejcami i naščadkami ssylnych poŭnač moža adździalicca ad rešty krainy. Nazarbajeŭ procipastaviŭ hetamu pierajezd stalicy ŭ Astanu i palityku kantrolu za rasiejskimi nacyjanalistyčnymi arhanizacyjami.
Urad Kazachstana ŭchvaliŭ płan dziejańniaŭ pa realizacyi novaj Daktryny nacyjanalnaha adzinstva — dakumienta, jaki akreślivaje asnoŭnyja nakirunki nacyjabudaŭnictva. Nazarbajeŭ padpisaŭ hetuju daktrynu 29 krasavika. Jak skazaŭ ministr kultury Muchtar Kuł-Muchammied, pavodle jaje buduć stvoranyja novyja ŚMI na kazachskaj movie, a taksama placoŭki mižnacyjanalnaha dyjałohu.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?9
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary