Dychać: kancepcyi nie prahladajecca
«Biažy, chłopiec», «Biełaruś uber alles», «Radzima-Svaboda» dy inšyja hity byli admysłova pierazapisanyja da hetaha prajektu.
Dysk, jaki čakali jašče letaś, źjaviŭsia ŭ dyskarniach niezaŭvažna. Biaz hučnych prezentacyjaŭ i lišnich słovaŭ. Hrošy na jaho vydańnie skančalisia, a potym znachodzilisia i skančalisia iznoŭ. Tamu reliz praz uvieś čas adkładaŭsia. Pa vychadzie jon pakinuŭ šmat pytańniaŭ.
Čakali novy muzyčny prajekt, vyjšaŭ čarhovy «The Best». «Biažy, chłopiec», «Biełaruś uber alles», «Radzima-svaboda» dy inšyja biełaruskija hity byli admysłova pierazapisanyja da hetaha prajektu. Cikaviej było b pačuć novyja tvory ad «Kramy», Neuro Dubel i ZET. A tak «staryja» zapisali dla «Dychać» svaje hałoŭnyja hity, a «maładniak» (IQ-48, Indiga, :B:N:) – absalutna novyja tvory.
Kancepcyi nie prahladajecca, kali heta nia jość kancepcyjaj, viadoma.
Hałoŭnaja razynka prajektu, jakuju nia kožny zaŭvažyć,– usie treki prapisvalisia na polskaj studyi Rembrandt. Tamu hučańnie piesień ciešyć. Asabliva šykoŭna hučyć 8-chvilinnaja spoviedź Sieńki z Zero-85 («Volny») i apošni pa časie hit «Pałacu» – «Koła hrukatała».
Pakidaje pytańni «Ulis», jaki pierapisaŭ dla składanki dobruju, ale nie vybitnuju pieśniu ź «Lusterka» – «My ŭciakajem». Cikavaje, ale małazrazumiełaje blićviartańnie «Mroi» z hitom 15-hadovaj daŭniny – «Kraina kryvavych daždžoŭ».
Z novaha asabliva čaplaje «Biažy sa mnoj» hurtu Indiga, jakija istotna palahčeli z momantu vychadu ich debiutnych «Dzion». Nu, i dźvie pieśni, jakija stali hitami jašče da momantu ich vydańnia: «Śviatło ŭ ciemry» IQ-48 i «Hadziučnik» («Usio roŭna my pieramožam») N.R.M.
Mieć dysk u chatniaj kalekcyi varta. Niachaj zojmie miesca na paličcy pobač z «Hienerałami ajčynnaha roku» i «Pieśniami svabody».
«Na rozdum dali paŭhadziny». Nastaŭnicy z Połacka daviałosia zvolnicca z-za tyktok-błoha2
Kamientary