Fiederalny kancler Hiermanii Frydrych Mierc razam z delehacyjaj niamieckich biznesmienaŭ 4 lutaha adpraŭlajecca ŭ pajezdku pa krainach rehijonu Piersidskaha zaliva — Saudaŭskaj Aravii, Katary i AAE. Jana padobnaja na vizit jaho papiarednika Ołafa Šolca ŭ vieraśni 2022 hoda, kali toj vioŭ pieramovy ź miascovymi eksparciorami zvadkavanaha pryrodnaha hazu, kab zamianić pastaŭki rasijskaha hazu. Ciapier Mierc imkniecca źnizić zaležnaść Hiermanii ŭžo ad amierykanskaha ZPH, piša The Moscow Times.
Trochdzionny vizit uvachodzić u stratehiju Hiermanii pa dyviersifikacyi impartu enierharesursaŭ i pošuku novych rynkaŭ dla pramysłovaha ekspartu, raskazali ahienctvu Bloomberg niamieckija čynoŭniki. Da pačatku vajny va Ukrainie asnoŭnym pastaŭščykom hazu dla Hiermanii była Rasija. Ciapier ža ZPH składaje 13% ad ahulnaha impartu hazu, pry hetym amal uvieś — 94% — pastupaje z ZŠA.
Ekśpierty adznačajuć, što vysokaja zaležnaść ad amierykanskich enierharesursaŭ stała prablemaj u śviatle aŭtarytarnych tendencyj u ZŠA i ryzyki hieapalityčnaha šantažu. Akramia Blizkaha Uschodu, Hiermanija razhladaje i inšyja alternatyvy: narviežski trubapravodny haz, ZPH z Kanady i Aŭstralii.
Jeŭrapiejski Sajuz taksama aktyvizuje pošuki novych pastaŭščykoŭ ZPH. Pavodle jeŭrakamisara pa enierhietycy Dana Jorhiensena, płanujecca pahłybić enierhietyčnyja suviazi z Kanadaj, Kataram i Ałžyram. Kanada ŭpieršyniu pačała ekspart ZPH u lipieni 2025 hoda, jašče dva prajekty pavinny zapracavać u 2027—2028 hadach. Katar, adzin z najbujniejšych pastaŭščykoŭ ZPH u śviecie, płanuje pavialičyć mahutnaści z 77 miljonaŭ da 142 miljonaŭ ton da 2030 hoda.
Prablema dla Hiermanii ŭ tym, što pastaŭščyki z rehijonu Piersidskaha zaliva chočuć zaklučać doŭhaterminovyja 20‑hadovyja kantrakty, a Bierlin zabaraniŭ impart ZPH paśla 2043 hoda ŭ miežach baraćby ź źmienaj klimatu. Tamu niamieckija zakupščyki čaściej addajuć pieravahu amierykanskim kampanijam z bolš hnutkimi ŭmovami.
Ekśpierty padkreślivajuć, što hałoŭnaja vysnova z usiaho hetaha — Hiermanii treba nie tolki źmianiać pastaŭščykoŭ, ale i źnižać zaležnaść ad vykapniovaha paliva ŭvohule.
Čamu Mierc tak strymana reahuje na Trampaŭ zamach na Hrenłandyju? Bo Hiermanija najbolš zaležnaja ad ZŠA
U Hiermanii zatrymali deputata ad AdH, na palach jakoha pad Lidaj pracavali viaźni
Mierc vystupiŭ suprać nakiravańnia miratvorcaŭ va Ukrainu pad jeŭrapiejskim ściaham
Mierc: Jeŭropa pavinna navučycca havaryć movaj siły
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal5
Kamientary