Niesupadzieńni mierkavańniaŭ bakoŭ datyčacca aŭtamabilnaj i avijacyjnaj pramysłovaści, mytnych pošlin, uvozu tavaraŭ fizičnymi asobami dla ŭłasnych patreb.
Mytny sajuz Rasii, Biełarusi i Kazachstana nie zmoža zapracavać na poŭnuju moc z 1 lipienia 2010 hoda, jak heta mierkavałasia raniej, zajaviŭ premjer-ministr RF Uładzimir Pucin u intervju miždziaržaŭnaj teleradyjokampanii «Mir».
21 maja ŭ Sankt-Pieciarburhu premjer-ministry Rasii, Biełarusi i Kazachstana pravodzili šmathadzinnyja pieramovy, na jakich tak i nie zmahli ŭzhadnić pazicyi i ŭrehulavać sprečki pa nabyćci mocy z 1 lipienia Mytnaha kodeksa.
Niesupadzieńni mierkavańniaŭ bakoŭ datyčacca aŭtamabilnaj i avijacyjnaj pramysłovaści, mytnych pošlin, uvozu tavaraŭ fizičnymi asobami dla ŭłasnych patreb. Apošniaja pazicyja adčuvalnaja dla Kazachstana, aŭta- i avijapram — dla Rasii, u toj čas jak dla Biełarusi adčuvalnym pytańniem źjaŭlajucca ŭvaznyja mytnyja pošliny, u pryvatnaści na naftu i naftapradukty.
Jak zajaviŭ pa zaviaršeńni sustrečy Pucin, baki damovilisia praciahnuć praces ratyfikacyi Mytnaha kodeksa na praciahu dvuch tydniaŭ na ekśpiertnym uzroŭni.
Adkazvajučy na pytańnie žurnalista teleradyjokampanii «Mir», ci zmoža Mytny sajuz z 1 lipienia zapracavać na poŭnuju moc, premjer-ministr Rasii skazaŭ: «Na poŭnuju moc nie zmoža».
«Ja zrabiŭ prapanovu, kab my paskoryli rašeńnie pytańniaŭ, źviazanych sa stvareńniem Adzinaj ekanamičnaj prastory. Dla taho kab jana zapracavała, patrebna padrychtavać dva pakiety dakumientaŭ. Adzin pavinien być padrychtavany da lipienia nastupnaha hoda. Druhi pakiet — da kanca 2011 hoda. Ja prapanavaŭ, kab my da kanca 2010 hoda padrychtavali ŭvieś pakiet», — pryvodzić słovy rasijskaha premjera RIA Novosti.
«I bolš za toje — kali heta ŭjavicca mahčymym — padpisali jaho i ratyfikavali. Z adkładzienym terminam uviadzieńnia. Jak i damaŭlalisia, z 1 lipienia 2012 hoda. A moža, krychu raniej, kali my jaho padpišam i ratyfikujem. My hatovy zrabić heta i raniej. I ja zychodžu z taho, što ŭ hetym vypadku možna było b pajści na dadatkovyja kroki nasustrač adzin adnamu i vyrašyć pytańni i adnosna pošlin, i adnosna niekatorych taryfaŭ i hetak dalej», — skazaŭ Pucin.
Z 1 studzienia 2010 hoda farmalna pačaŭ dziejničać Mytny sajuz Rasii, Biełarusi i Kazachstana. Adnak havaryć pra paŭnavartasny sajuz i adzinuju mytnuju terytoryju troch krain možna budzie tolki paśla nabyćcia mocy ahulnaha mytnaha kodeksa. Kodeks pavinien zapracavać z 1 lipienia 2010 hoda. Stvareńnie Mytnaha sajuza razhladajecca jak etap na šlachu stvareńnia Adzinaj ekanamičnaj prstory (AEP), jakaja pavinna nabyć siłu z 1 studzienia 2012 hoda.
«Jana nie ŭ turmie, a na śpiecdačy KDB!» Kanśpirołahi nakinulisia na Kaleśnikavu12
Kamientary