Alaksandr Łukašenka prapanavaŭ Zimbabve realizavać trochbakovy prajekt razam z Mazambikam i pabudavać na terytoryi Mazambika marski port. Pra heta jon zajaviŭ padčas sustrečy sa staršynioj Sienata Zimbabve Miejbł Miemory Čynamona.
«Nam vielmi patrebny aporny punkt na ŭźbiarežžy Afrykanskaha kantynienta — na paŭdniovym uschodzie. Heta značyć, što my razam pavinny papracavać sa Zimbabve nad budaŭnictvam porta ŭ vašaj susiedniaj dziaržavie — Mazambiku», — adznačyŭ Łukašenka.
Pa jaho słovach, Biełaruś moža nie tolki pabudavać port, ale i adnavić čyhunačnaje złučeńnie praź Zimbabve, bo adlehłaść tam nievialikaja. Trochbakovy prajekt dazvolić Zimbabve stać dobrym chabam dla biełaruskaj pradukcyi ŭ Afryku, a taksama pryciahvać tavary inšych dziaržaŭ, pierš za ŭsio Rasii.
Łukašenka dadaŭ, što prajekt užo abmiarkoŭvaŭsia z prezidentam Zimbabve Emiersanam Mnanhahvaj padčas jaho vizitu ŭ Minsk 14 maja 2025 hoda.
Hościa ź Zimbabve vykazała zacikaŭlenaść u realizacyi prajekta, adznačyŭšy, što prapanova cikavaja Mnanhahvu, a jahony aŭtarytet u krainach Afryki dazvalaje chutka zapuskać sumiesnyja prajekty.
Jana taksama adznačyła, što Biełaruś dapamahała Zimbabve ź miechanizacyjaj sielskaj haspadarki, što dazvoliła afrykanskaj krainie sabrać rekordny ŭradžaj pšanicy i istotna palehčyć pracu fiermieraŭ, siarod jakich značnaja častka — žančyny.
Ciapier čytajuć
Siarhiej uziaŭ hrošy za kantrakt i pajšoŭ zdavacca ŭ pałon pry pieršaj mahčymaści. Pakručasty los biełarusa, jaki padpisaŭsia vajavać za Rasiju7
Kamientary
Iłan Mask zasillica .