Pra heta paviedamlajecca na aficyjnym sajcie Dziarždepartamienta ZŠA.
Košt turystyčnych, studenckich, biźnies‑viz, a taksama viz dla ŭdzielnikaŭ prahram abmienu budzie pavialičany sa 131 da 140 dalaraŭ.
Spašukalnikam viz dla časovaj pracy ci prachodžańnia stažyroŭki, spartsmienam, artystam, asobam z vydatnymi zdolnaściami, zaprošanym u ZŠA, a taksama tym, chto jedzie ŭ ZŠA ŭ miežach kulturnaha abmienu ci zajmajecca relihijnaj dziejnaściu, daviadziecca zapłacić za vizu 150 dalaraŭ.
Da 350 dalaraŭ pavyšajecca košt vizy žanicha abo niaviesty. Dla tych, chto jedzie ŭ ZŠA z metaj inviestycyjnaj dziejnaści, viza abydziecca ŭ 390 dalaraŭ.
Jak adznačajecca ŭ paviedamleńni, novyja ceny pavinny całkam kampiensavać vydatki na vyrab viz, jakija stanuć bolš składanymi ŭ vytvorčaści, što taksama zapatrabuje pavieličeńnia terminaŭ dla afarmleńnia vizy, paviedamlaje BiełaPAN.
***
Nahadajem, što z pryčyny kanfliktu pamiž Vašynhtonam i Minskam značna abmiežavana kolkaść katehoryj hramadzian, jakim vydajecca viza ŭ Minsku.
Zvyčajnym hramadzianam — ni udzielnikam prahram Uradu, ni svajakam dypłamataŭ, ni zajaŭnikam terminovych viz — pa vizu treba źviartacca ŭ Maskvu, Pieciarburh, Kijeŭ, Varšavu ci Vilniu. Prykładam, čarha na sumoŭje ŭ Maskvie składaje bolš za 40 kalandarnych dzion. U Pieciarburhu - 14 dzion, Kijevie - 25, Varšavie - 1 dzień.
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary