«Jakija vy ŭsie śmiardziučyja, ahidnyja, apranajeciesia byccam na pamyjcy»: pryhažunia z Rastova raskrytykavała biełarusak
Rasijanka pierakonvała biełaruskuju manikiurščycu, što sapraŭdnaja prahažość — heta kali zdalok vidać, što za zroblenyja vusny zapłacili šmat hrošaj.
Kryścina Vysockaja z Homiela — majstrycha pa manikiury i piedykiury. U svaim tyktoku jana raspaviała aburalnuju historyju pra toje, jak da jaje navieści pryhažość prychodziła «dziva z Rastova» (historyja adbyłasia jašče ŭ 2024-m).
Rasijanka vyjšła zamuž za chłopca z Homiela i pryjechała z kachanym na jaho radzimu, bo mužu treba było zrabić niejkija dakumienty. Tak atrymałasia, što rastaŭčanka pražyła ŭ Biełarusi niekalki miesiacaŭ. I kaniečnie ž, u niejki momant joj pryjšłosia šukać śpiecyjalistak dla padtrymańnia pryhažości.
Na manikiur dziva zapisałasia da Kryściny. Manikiurščyca skardzicca na toje, što padčas pracesu klijentka ŭvieś čas krytykavała biełaruskich žančyn. Kazała, što biełaruski vielmi nieakuratnyja, nie sočać za saboj, niepryjemna pachnuć, a apranajucca byccam na pamyjnicy.
— «U nas u Rastovie absalutna kožnaja dziaŭčynka paśla kaśmietołaha, z kołatymi vusnami. Vy nie robicie z saboj ničoha», — cytuje klijentku Kryścina.
Vsie v inst)
Manikiurščyca kaža, što sprabavała baranić suajčyńnic. Maŭlaŭ, u nas kožnaja druhaja sa zroblenymi vusnami — prosta tyja vyhladajuć naturalna.
Taki adkaz rasijanku nie zadavoliŭ, bo jana ličyć, treba, kab zdalok było bačna, što za vusny zapłacili šmat hrošaj.
— Raspaviała, jak muž paznajomiŭ jaje sa svaimi siabrami i ich žonkami. Cytuju: «Absalutna kožnaja: ni brovaŭ, ni paviek, nichto paznohci nie robić. Jak jany ŭvohule chodziać?! Jak ich mužčyny chočuć?».
Potym rastaŭčanka raskrytykavała i samu manikiurščycu praz toje, što taja byccam by vielmi niesamavitaja. Kazała, što joj škada biełaruskich mužčyn praz toje, što im niama z čaho vybirać.
Kryścina zrabiła klijentcy frenč, ale taja zastałasia niezadavolenaja. Manikiurščyca prapanavała dva varyjanty: jana była hatovaja ci źniać manikiur i zastacca biez apłaty, ci zrabić źnižku.
Vsie v inst)
Rastaŭčanka pahadziłasia «paciarpieć žach» try tydni i zapłaciła poŭny košt. Paabiacała pakinuć niehatyŭny vodhuk, bo bolš žudasnych paznohciaŭ byccam u jaje nikoli nie było. Ale praź niekatory čas napisała, što ŭsio dobra i pasprabavała zapisacca na piedykiur — Kryścina admoviła.
Rasijanka abiacała ŭ svaim błohu raspavieści padpisčykam pra žach, jaki adbyvajecca ŭ biełaruskaj bjuci-śfiery. A paśla hetaha apublikavała storys pra toje, jak mocna rasčaravanaja: bo čakała, što pryjdzie da pryhožaj majstrychi, a pabačyła zvyčajnuju dziaŭčynu. Nu i znoŭ paliła brudam usich biełaruskich žančyn.
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam
«Dzieci schadzili ŭ sadok dva dni. I ja ŭžo chaču zabrać dakumienty»: rasijanka z Kryma ŭ šalenstvie ad biełaruskaha sadka
«My dumali, Minsk — kałhasny horad». Rasijanka ščyra ździviłasia, čamu adhrabła ŭ tyktoku ad biełarusaŭ
«Ty začapiła maju radzimu — i heta podła». Repierka ź Biełarusi zapisała adkaz Instasamcy. Moładź ciapier masava zdymaje pad jaho tyktoki
Ciapier čytajuć
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni29
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1010
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»10
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary
Nie absłuhoŭvajcie rusačak - buduć niervy cełyja. Chaj sami sabie kipciury pilać