Polskija ŭłady apraŭdali biełarusa, jaki padavaŭsia na kartu pobytu z pašpartam Novaj Biełarusi
Historyja biełarusa Dźmitryja, jakoha mahli pazbavić mižnarodnaj abarony ŭ Polščy nibyta z-za vykarystańnia čyrvonaha pašparta, skončyłasia na jaho karyść. Upraŭleńnie pa spravach zamiežnikaŭ aficyjna spyniła raźbiralnictva. Kiejs stvaryŭ važny precedent.
«Ja toj biełarus, jaki skarystaŭsia čyrvonym biełaruskim pašpartam pry padačy zajavy na čarhovuju kartu pobytu, i ŭ mianie dobryja naviny», — napisaŭ mužčyna «Našaj Nivie».
Historyja Dźmitryja narabiła rezanansu. Padčas padačy dakumientaŭ na čarhovy vid na žycharstva jon ukazaŭ źviestki svajho pašparta Novaj Biełarusi.
Inicyjatyva «Partyzanka» zajaviła, što biełarusa mohuć pazbavić mižnarodnaj abarony za vykarystańnie hetaha pašparta. I što, maŭlaŭ, jamu moža pahražać navat kryminalny pieraśled.
Ale akazałasia, što sprava ŭ inšym.
Polskija čynoŭniki padumali, što mužčyna atrymaŭ novy aficyjny (sini) pašpart u biełaruskim pasolstvie abo źjeździŭ za im u Biełaruś. Abodva hetyja kroki — pramaja padstava dla skasavańnia statusu abarony.
Polskija śpiecyjalisty pačali raźbiralnictvy.
«U pastanovie ab spynieńni raźbiralnictva niekalki razoŭ zhadvajecca pašpart Novaj Biełarusi. Jany pryniali da viedama maje tłumačeńni i samastojna vyvučyli pytańnie pa publičnych krynicach pra toje, što heta za dakumient — u rešcie rešt ich zadavoliła, što hety pašpart nie vydajecca faktyčnymi ŭładami Biełarusi i tolki z časam pavodle zadumy stvaralnikaŭ pavinien stać aficyjnym pašpartam Biełarusi. Da samoha faktu jaho vykarystańnia jany nijakaha staŭleńnia nie vykazali: vykarystaŭ i ładna», — raskazaŭ Dźmitryj.
Dźmitryj zastaŭsia niezadavoleny pazicyjaj inicyjatyvy Partyzanka, jakaja zajaŭlała, što vykarystańnie takoha pašparta moža nieści kryminalnyja ryzyki (nibyta heta moža traktavacca jak padrobka dakumientaŭ ci machlarstva). Mužčyna nazvaŭ heta śpiekulacyjami, jakija nie majuć realnaj pravavoj asnovy.
«Hetyja razvažańni ŭ halinie polskaha prava ab machlarstvie i padrobcy dakumientaŭ pa ŭsich prykmietach lažać pa-za miežami ich prafiesijnaha vopytu jak jurystaŭ i nie abapirajucca na jakija-niebudź źviestki ab pravaprymianialnaj praktycy», — miarkuje jon.
Dźmitryj ličyć važnym i nadalej pašyrać śfieru vykarystańnia novaha biełaruskaha pašparta.
«Chtości afarmlaŭ na jaho sim-kartki, chtości pradjaŭlaŭ pry pasadcy ŭ samalot, chtości vykarystoŭvaje jaho ŭ polskich bankach. Treba praviarać na tryvałaść miežy isnujučych mahčymaściaŭ i stvarać novyja. Svaboda naradžajecca i zachoŭvajecca ŭ zazorach. I naša zadača — hetyja zazory pašyrać, ustaŭlajučy tudy našy ŭłasnyja hramadskija instytuty», — kazaŭ jon «Našaj Nivie».
***
Kali vy žyviacie ŭ Polščy, to možacie padtrymać «Našu Nivu» častkaj vašaha padachodnaha padatku. Heta nie budzie kaštavać vam ani centa.
Vy prosta pieranakirujecie 1,5% ad užo spłačanaha vami padatku pry padačy štohadovaj dekłaracyi.
Voś padrabiaznaja instrukcyja, ja heta zrabić, kali vy pracujecie ŭ Polščy.
Kali vy pracujecie ŭ Litvie — to vam siudy.
Ciapier čytajuć
Usie čakali padzieńnia cen, ale ničoha padobnaha! Jak za hod źmianilisia ceny na kvatery ŭ Minsku i inšych bujnych haradach6
Kamientary
Mnie taksama chaciełasia b pašyrać haryzonty, ale jość biahučaja pravavaja realnaść
Vidać, nie lečycca. Čałavieča, padziakuj, što sapraŭdy kryminałku ad palakaŭ nie atrymaŭ