Pasiadžeńnie Miždziaržsavieta JeŭrAzES (vyšejšaha orhana Mytnaha sajuza) na ŭzroŭni kiraŭnikoŭ dziaržaŭ namiečana na 5 lipienia ŭ Astanie. Ab hetym havorycca ŭ paviedamleńni Kamisii Mytnaha sajuza, apublikavanym na jaje aficyjnym sajcie.
Płanujecca, što na sustrečy ŭ Astanie baki abmiarkujuć stvareńnie adzinaj mytnaj terytoryi Mytnaha sajuza ŭ ramkach JeŭrAzES i vykanańnie płana dziejańniaŭ pa farmiravańniu Adzinaj ekanamičnaj prastory Biełarusi, Kazachstana i Rasii.
Zapłanavana taksama pryniaćcie šeraha dakumientaŭ Mytnaha sajuza: dahavora ab asnoŭnych pryncypach kryminalnaj i administracyjnaj adkaznaści za parušeńni mytnaha zakanadaŭstva Mytnaha sajuza i dziaržaŭ — členaŭ Mytnaha sajuza, pahadnieńnia ab pravavoj dapamozie i ŭzajemadziejańni mytnych orhanaŭ pa kryminalnych spravach i spravach ab administracyjnych pravaparušeńniach, dahavora ab paradku pieramiaščeńnia fizičnymi asobami najaŭnych hrašovych srodkaŭ i (abo) hrašovych instrumientaŭ praz mytnuju hranicu Mytnaha sajuza, ab techničnym rehulavańni ŭ Mytnym sajuzie.
Akramia taho, namiečana razhledzieć pytańnie ab ekspartnym kantroli dziaržaŭ — členaŭ Mytnaha sajuza, prajekt kaštarysu raschodaŭ kamisii na 2011 hod i spravazdaču ab vykanańni kaštarysu ŭ 2009 hodzie.‑0‑
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary