Raźvitańnie ź Michaiłam Paŭłavym adbudziecca 8 červienia ŭ Domie aficeraŭ
Raźvitańnie z byłym staršyniom Minharvykankama Michaiłam Paŭłavym adbudziecca 8 červienia ŭ akruhovym Domie aficeraŭ z 11 da 13 hadzin. Pra heta paviedamiŭ v.a.staršyni Minharvykankama Mikałaj Ładućka ŭ paniadziełak na apieratyŭnaj naradzie.
Pachavajuć Michaiła Paŭłava na Uschodnich mohiłkach.
U Minsku stvorana kamisija pa arhanizacyi i praviadzieńni pachavańnia. U hetaj suviazi Mikałaj Ładućka źviarnuŭsia z prośbaj da kiraŭnikoŭ rajonaŭ stalicy vyrašyć u vypadku nieabchodnaści ŭsie arhanizacyjnyja pytańni, kab usio prajšło «z vysokaj stupieńniu hodnaści, jak taho zasłuhoŭvaje Michaił Paŭłaŭ».
«Michaił Paŭłaŭ chvareŭ ciažka, ale mužna. Heta vialikaja strata dla krainy i dla Minska», — padkreśliŭ v.a. staršyni Minharvykankama.
Jak paviedamlałasia, Michaił Paŭłaŭ pamior 6 červienia na 58‑m hodzie žyćcia.
Kamientary