Kampanija Mak.by, aficyjny apieratar sietki restaranaŭ chutkaha charčavańnia ŭ Biełarusi, pryniała rašeńnie nie realizoŭvać budaŭnictva novaha abjekta na raniej abranym ziamielnym učastku ŭ Barysavie. Pra heta paviedamili pradstaŭniki pradpryjemstva, piša «Minskaja praŭda».
Fota ilustracyjnaje
Na pradpryjemstvie ŭdakładnili, što havorka idzie pra admovu ad kankretnaj łakacyi, a nie ŭvohule pra admovu ad płanaŭ pracavać u hetym horadzie. Cikavaść da adkryćcia restarana ŭ Barysavie nibyta zachoŭvajecca.
«U ciapierašni čas kampanija skancentravanaja na pošuku alternatyŭnaj łakacyi, jakaja budzie ŭ poŭnaj miery adpaviadać patrabavańniam da vyhady raźmiaščeńnia, infrastruktury, transpartnaj dastupnaści i doŭhaterminovaha raźvićcia abjekta», — prakamientavali situacyju ŭ Mak.by.
Raniej abmiarkoŭvałasia budaŭnictva ŭstanovy na adnym z učastkaŭ u miežach horada. Havorka išła pra placoŭku ŭ rajonie vulicy Haharyna — pablizu bujnych žyłych masivaŭ i ažyŭlenaj trasy.
Na siońniašni dzień sietka Mak.by naličvaje niekalki dziasiatkaŭ restaranaŭ pa ŭsioj Biełarusi. Barysaŭ zastajecca adnym z haradoŭ, dzie kampanija pakul nie pradstaŭlenaja.
Kamientary