Biełaruskaja čyhunka šukaje sabie supracoŭnikaŭ ź Niepała i Pakistana. Mova nie patrabujecca
Vosieńniu minułaha hoda na Biełaruskaj čyhuncy sprabavali pradstaŭlać ideju pryciahnieńnia pracoŭnych mihrantaŭ jak vyklučna tearetyčnuju. U słužbovych dakumientach adznačałasia, što ŭ hetym niama nieabchodnaści: mierkavałasia, što zamiežnyja rabotniki mohuć vyklikać napružanaść u kalektyvach, zapatrabujuć dadatkovych vydatkaŭ i nie pryniasuć istotnaj ekanamičnaj karyści. Taksama ŭzhadvalisia mahčymyja ryzyki dla biaśpieki i arhanizacyi pracy. Adnak užo praź niekalki miesiacaŭ pazicyja kiraŭnictva rezka źmianiłasia, piša Supolnaść čyhunačnikaŭ Biełarusi.
Ciapier u Minskim adździaleńni čyhunki nie prosta razvažajuć pra mahčymaść pryciahnieńnia mihrantaŭ, a aficyjna źviartajucca ŭ rekrutynhavuju kampaniju, zdolnuju chutka arhanizavać pryjezd pracoŭnaj siły ź Niepała i Pakistana. Heta ŭžo nie ideja i nie čutki, a kankretnyja dziejańni, paćvierdžanyja dakumientami.
Pierapiska pakazvaje, što Minskaje adździaleńnie čyhunki źviarnułasia da firmy-pasiarednika z prośbaj padabrać zamiežnych rabotnikaŭ na vakansii, jakija nie patrabujuć vysokaj kvalifikacyi. Pry hetym asobna padkreślivałasia, što viedańnie ruskaj movy nie źjaŭlajecca abaviazkovym. Płanujecca najmać ludziej na pasady mancioraŭ puci, stancyjnych rabočych i myjščykaŭ-prybiralščykaŭ ruchomaha składu.
Havorka idzie pra samyja fizična ciažkija i nizkaapłatnyja raboty, na jakija biełaruskija rabotniki, vidać, nieachvotna iduć. Dla hetych pasad nie patrabujecca śpiecyjalnaja adukacyja ci vysokaja moŭnaja padrychtoŭka.
Zhodna z zapytam, čyhunka płanuje najmać 20 mancioraŭ puci, 8 stancyjnych rabočych i 8 myjščykaŭ. Pieršapačatkova prapanavanyja zarobki składali kala 950—980 rubloŭ.
Adnak navat kampanija-pasiarednik, jakaja śpiecyjalizujecca na pošuku tannaj pracoŭnaj siły, adznačyła, što za takuju apłatu nichto nie pahodzicca jechać u Biełaruś — navat ź Niepała i Pakistana. U adkazie pramym tekstam skazana, što hetyja staŭki niedastatkovyja dla matyvacyi.
U vyniku pasrednik prapanavaŭ značna vyšejšyja ŭmovy: nie mienš za 1500 rubloŭ «čystymi» na ruki, a taksama dapłaty za zvyšuročnuju pracu i harantyju mahčymaści jaje vykanańnia.
Ciapier čytajuć
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień10
Kamientary