Va Ukrainie skandał praz pryznačeńnie kiraŭnicaj pratakoła ministra «20-hadovaj» dziaŭčyny. A što nasamreč?
Navina pra toje, što «20-hadovuju» Hannu Doraš pryznačyli kiraŭnicaj pratakoła ministra achovy zdaroŭja Ukrainy, za ličanyja hadziny raźlaciełasia pa siecivie. ŚMI i šmatlikija kamientatary aburalisia: jak maładaja dziaŭčyna, jakaja, imavierna, nie paśpieła atrymać vyšejšuju adukacyju, atrymała takuju pasadu.
Mała chto moh padumać, što zvyčajnaje kadravaje rašeńnie ŭ Ministerstvie achovy zdaroŭja Ukrainy abierniecca hučnym skandałam. Chvalu abureńnia vyklikała pryznačeńnie na pasadu kiraŭnicy pratakoła ministra Viktara Laško maładoj čynoŭnicy Hanny Doraš. Na hetaj pasadzie jana adkazvaje za farmiravańnie i padpisańnie daručeńniaŭ ministra, a taksama za kantrol za terminami i jakaściu ich vykanańnia.
Sama Doraš jašče 10 maja apublikavała na svajoj staroncy ŭ instahramie paviedamleńnie ab pryznačeńni.
Adnak tolki praź niekalki tydniaŭ na heta źviarnuła ŭvahu hramadskaść. Tak, 26 maja telehram-kanał Bankova Mail napisaŭ, što ŭ siecivie zaŭvažyli dziŭnaje kadravaje rašeńnie Viktara Laško: maŭlaŭ, jaho pratakoł uznačaliła 20‑hadovaja Hanna Doraš.
Paviedamlałasia, što raniej jana pracavała asistentkaj namieśnicy ministra justycyi, a taksama była ekśpiertkaj pa jeŭrapiejskaj intehracyi i stratehičnych kamunikacyjach u sakrataryjacie Kabinieta ministraŭ, dzie zajmała pasadu hałoŭnaj śpiecyjalistki ŭ hrupie pa pytańniach «Zialonaha kursu» i ekałohii.
Paśla hetaha tema raźlaciełasia ŭ sacsietkach i miedyja. Častka kamientataraŭ pastaviła pad sumnieŭ adpaviednaść Doraš pasadzie.
Adnak, jak śćviardžaje vydańnie Oboz.ua, žurnalistam jakoha ŭdałosia źviazacca z hierainiaj, nasamreč Hańnie 25 hadoŭ. Jana mahistr palitałohii i maje dośvied pracy va ŭradzie.
Jaje kalehi raspaviali, što Doraš pačała karjeru z pasady hałoŭnaj śpiecyjalistki adnaho z departamientaŭ Čarnavickaha harsavieta, a paźniej pracavała ŭ Sakrataryjacie ŭrada. Dziaŭčyna całkam adpaviadaje patrabavańniam da kandydata na pasadu kiraŭnika pratakoła ministra: maje trochhadovy vopyt dziaržaŭnaj słužby i skončanuju vyšejšuju adukacyju.
Zaŭvažym, što ciapier infarmacyja pra hod naradžeńnia i adukacyju Hanny dastupnaja kožnamu na jaje staroncy ŭ fejsbuku. Ź jaje vynikaje, što dziaŭčyna ŭ 2018 hodzie skončyła fiłasofska-pravavy licej u Čarnaŭcach, a ŭ 2022‑m atrymała dypłom bakałaŭra i ŭ 2024‑m — mahistra Čarnavickaha nacyjanalnaha ŭniviersiteta.
Svaju pracoŭnuju karjeru Hanna pačała jašče studentkaj u jakaści žurnalistki vydańnia «Suśpilnie Čiernivci». Paśla atrymańnia vyšejšaj adukacyi karotki čas pracavała ŭ Čarnavickaj abłasnoj, a paśla pierapynku — u haradskoj radzie. Paralelna Hanna była mieniedžaram u hramadskich arhanizacyjach «Ahienctva raźvićcia Čarnavickaj hramady» i «Luboŭ, jakaja lečyć».
Z studzienia pa kastryčnik 2025 hoda jana pracavała ŭ Ministerstvie justycyi Ukrainy spačatku na pasadzie pamočnika namieśnika ministra, a zatym pierajšła ŭ departamient prava ES. Z kastryčnika 2025 hoda jana pracavała ŭ Kabiniecie ministraŭ Ukrainy va ŭradavym ofisie kaardynacyi jeŭrapiejskaj i jeŭraatłantyčnaj intehracyi.
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu12
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu6060
Kamientary