Fatohraf z Hrodna Siarhiej Ludkievič, jaki ciapier žyvie i pracuje ŭ Varšavie, hatovy zapłacić kala 785 rubloŭ za infarmacyju pra los aŭto. Kaža, što dapamahaje znajści mašynu susieda. Ale šancaŭ znajści mašynu vielmi mała.
Zialony Lexus rx350 skrali ŭ varšaŭskim mikrarajonie Kabaty.
«Za infarmacyju, dzie moža być zaparkavana, daju 1000 złotych (785 rubloŭ — NN) tamu, chto skaža. Chutčej za ŭsio, skrali 06.05.2026 a 4:43 ranicy», — napisaŭ jon u Treds.
U kamientarach bolšaść ludziej schilajecca da taho, što mašynu, chutčej za ŭsio, užo nie znajści, bo ŭ Polščy skradzienyja aŭto ciaham niekalkich hadzin raźbirajuć na zapčastki.
Na žal, ich zaściarohi abhruntavanyja ličbami statystyki. Raniej ahučvalisia ličby, što kala 80% skradzienych mašyn sapraŭdy raźbirajuć na zapčastki.
Chto taki Siarhiej Ludkievič?
Ludkievič — fotakarespandent z bolš čym 10‑hadovym dośviedam pracy ŭ ŚMI. Zdymaŭ fota i videa dla roznych vydańniaŭ ź Biełarusi i Ukrainy. U 2020‑m aśviatlaŭ pratesty ŭ Hrodnie. Paśla razhromu niezaležnych miedyja ŭ pačatku 2021 hoda zastaŭsia biez pracy ŭ fotažurnalistycy, syšoŭ u pryvatnyja zdymki i adkryŭ fotastudyju ŭ Hrodnie. Paźniej praz palityčny pieraśled byŭ vymušany źjechać ź Biełarusi. Ciapier žyvie ŭ Varšavie, dzie, aproč pracy z fota, pracuje ŭ taksi.
Mašyny ŭ Varšavie kraduć rehularna
Heta daloka nie adzinkavy za apošnija hady vypadak, pra jaki stanovicca viadoma hramadskaści, kali achviarami kradziažu stali biełarusy. U vieraśni minułaha hoda taksama ŭ Varšavie ŭ biełarusaŭ skrali Hyundai Kona, jaki byŭ na polskich numarach.
A, naprykład, za dziesiać miesiacaŭ 2023 hoda partał «AŭtaHrodna» niekali naličyŭ vosiem takich vypadkaŭ.
Pryčym z vaśmi mašyn, skradzienych u biełarusaŭ, tady ŭdałosia znajści tolki adnu.
U 2024 hodzie adbyŭsia, mabyć, samy darahi kradziež: u biełarusa skrali Porsche 718 Spyder, košt jakoha pieravyšaŭ $100 tysiač. Aŭtamabil byŭ zarehistravany ŭ Polščy. Na momant kradziažu jon znachodziŭsia na zakrytym parkinhu — i navat heta nie dapamahło.
Taksama ŭžo ŭ pačatku 2025 hoda ŭ biełarusa skrali Lexus UX; mašyna taksama mieła polskuju rehistracyju.
Nasamreč mašyny ŭ Polščy kraduć, nie viedajučy nacyjanalnaść abo hramadzianstva ŭłaśnika. Ale tym nie mienš naviny pra toje, što mašynu skrali ŭ biełarusa, źjaŭlajucca rehularna. Pryčyna hetaha kryjecca ŭ ahulnych ličbach kradziažoŭ.
Ličby kradziažoŭ aŭto ŭ Polščy pužajuć
Letaś tolki ŭ Varšavie skrali 1324 aŭtamabili. Atrymlivajecca, što ŭ polskaj stalicy ŭ siarednim krali pa try-čatyry mašyny štodnia. Tamu i nie dziŭna, što niaredka ŭ hety śpis traplajuć aŭtamabili, jakija naležać biełarusam.
Usiaho ŭ 2024 hodzie ŭ Polščy było zafiksavana 9820 kradziažoŭ. Ź ich amal 1900 prypadała na Varšavu.
Ciapier čytajuć
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie5
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1212
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3232
Kamientary
kab 1324 aŭto ŭ hod razabrać - heta treba mieć mahutnaści adpaviednyja