Budanaŭ: Kali Rasija sapraŭdy hatovaja da razmovy, Ukraina — taksama
Razmova pamiž Zialenskim i Pucinym nie adbudziecca raptoŭna, «jak hrom siarod jasnaha nieba», adnak kali namioki Rasii na dyjałoh źjaŭlajucca ščyrymi, Ukraina «taksama była b hatovaja», zajaviŭ padčas vizitu ŭ Litvu kiraŭnik Ofisa prezidenta Ukrainy, były kiraŭnik ukrainskaj raźviedki Kirył Budanaŭ, piša LRT.
U niadzielu paśla vizitu ŭ Maskvu premjer-ministr Słavakii Robiert Fica zajaviŭ, što kali Zialenski choča sustrecca dla pieramovaŭ z Pucinym, jamu varta patelefanavać kiraŭniku Kramla. Pavodle Ficy, mienavita taki adkaz Pucin daŭ na pieradadzienaje žadańnie Zialenskaha sustrecca z rasijskim lidaram u lubym farmacie.
Adkazvajučy na pytańnie žurnalistaŭ pra mahčymaść takoj razmovy, Budanaŭ pažartavaŭ, što miždziaržaŭnyja telefonnyja linii pamiž krainami, jakija vajujuć, adklučanyja, a «takija zvanki pa mabilnym telefonie nie ździajśniajucca».
«Kali havaryć surjozna, to kali Rasijskaja Fiederacyja sapraŭdy hatovaja da surjoznaj razmovy, Ukraina taksama była b hatovaja», — skazaŭ jon.
«Ukraina nieadnarazova padkreślivała i dakazvała svaimi dziejańniami — my vystupajem za zaviaršeńnie vajny, za mir. Heta aficyjnaja pazicyja Ukrainy, jakuju padtrymlivaje prezident. My vystupajem za spynieńnie bajavych dziejańniaŭ. Chaču jašče raz padkreślić: zaklučeńnie miru — heta nie słabaść, a dokaz zdarovaha sensu», — dadaŭ Budanaŭ.
Jon adznačyŭ, što situacyja na froncie zastajecca «stabilnaj», jak i rasijski režym. «Ale ŭ hetym śviecie niama ničoha viečnaha», — zajaviŭ były kiraŭnik ukrainskaj vajennaj raźviedki.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ34
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary
Tvaje błoChiery " zietaŭcy" paražniak haniajuć kali pišut kažut ???
Techniki "tipkov vahnierkov" nie chvatajet po polam lesam stieliť
Vsie propało na nizkich vysotach v pole nam Vam pii.da i pii jec ???
V jutubie i nie tolko chvatajet ..infy kadrov
Ty takoj odin..aptymist??