«Čas razmaŭlać z Rasijaj». Prezident Finlandyi zaklikaŭ Jeŭropu pačać pieramovy z Maskvoj
Alaksandr Stub padkreśliŭ, što ŭsio pavinna być uzhodniena pamiž jeŭrapiejskimi krainami.
Jeŭropa pavinna pačać samastojnyja pieramovy z Rasijaj, bo ciapierašniaja amierykanskaja palityka adnosna Rasii i Ukrainy nie adpaviadaje jeŭrapiejskim intaresam. Pra heta zajaviŭ prezident Finlandyi Alaksandr Stub u intervju Corriere della Sera, piša UNIAN.
«Kali amierykanskaja palityka ŭ dačynieńni da Rasii i Ukrainy nie adpaviadaje intaresam Jeŭropy, jak ja liču, tady my pavinny dziejničać niepasredna. Tak, čas pačać razmaŭlać z Rasijaj. Ja nie viedaju, kali heta adbudziecca. My abmierkavali ź jeŭrapiejskimi lidarami, chto inicyjuje kantakt», — skazaŭ Stub.
Jon adznačyŭ, što pakul nieviadoma, chto ź lidaraŭ krain ES pavinien vieści pieramovy z Rasijaj. «Najvažniejšaje — kab usio było ŭzhodniena pamiž nami, asabliva pamiž krainami ES — Hiermanijaj, Francyjaj, Italijaj, Vialikabrytanijaj i Polščaj — razam z krainami Paŭnočnaj Jeŭropy i Bałtyi, jakija znachodziacca na miažy. Ci budzie heta śpiecyjalny pasłańnik abo hrupa lidaraŭ — pahladzim», — padkreśliŭ Stub.
Prezident Finlandyi dadaŭ, što nastrojeny piesimistyčna adnosna pierśpiektyŭ zaklučeńnia mirnaha pahadnieńnia pamiž Ukrainaj i Rasijaj u hetym hodzie.
Raniej kiraŭnik Jeŭrapiejskaj rady Antoniu Košta zajaviŭ, što Jeŭrapiejski sajuz maje patencyjał dla pieramoŭ z RF. Pavodle jaho słoŭ, heta padtrymlivaje Uładzimir Zialenski. Kosta adznačyŭ, što ES budzie paźbiahać umiašańnia ŭ praces, jaki viadzie Donald Tramp. Jon taksama pryznaŭ, što z boku Kramla nie pastupała sihnałaŭ pra hatoŭnaść Pucina da pieramoŭ z pradstaŭnikami ES.
Pres-sakratar Kramla Dźmitryj Piaskoŭ paźniej zajaviŭ, što Pucin hatovy vieści pieramovy z «usimi», u tym liku ź jeŭrapiejcami, ale pieršy krok pavinny zrabić jeŭrapiejskija ŭrady, bo jany razarvali kantakty z Maskvoj u 2022 hodzie paśla pačatku vajny suprać Ukrainy.
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary
U chutkim časie i hetaha nazavuć "prarasijskim", bo zaklikaje da pieramovaŭ!