Biełaruski biznesmien praspansavaŭ čempijanat śvietu pa chakiei ŭ Šviejcaryi
Kampanija «Šate-M Plus», jakoj vałodaje biełaruski biznesmien Kanstancin Šaviel, stała sponsaram čempijanatu śvietu pa chakiei-2026, jaki prachodzić u hetyja dni ŭ Šviejcaryi, piša vydańnie «Biełorusy i rynok».
Brend aŭtazapčastak Patron upryhožvaje areny ŭ Ciurychu i Fryburhu naroŭni z zabaronienymi ŭ Biełarusi Škoda i Liqui Molly. Taksama siarod sponsaraŭ suśvietnaha chakiejnaha pieršynstva takija brendy, jak Tissot, Wuert, Sika, Swiss Air, Nike, Nokian Tyres, Allegro i inšyja.
U Kanstancina Šaviela, jaki ŭvachodzić u top-100 paśpiachovych biźniesmenaŭ Biełarusi 2025 hoda, jość taksama bujny biznes u Rasii. Ale ŭ Šviejcaryi jaho brend Patron pradstaŭlajuć nie biełaruskaja i rasijskaja kampanii, a dačka z Kazachstana — «Šate-M Plus» z Astany. Choć sama zbornaja Kazachstana hetym razam nie vystupaje ŭ Šviejcaryi — jana letaś pakinuła vyšejšy dyvizijon. Patron źjaŭlajecca partnioram Mižnarodnaj fiederacyi chakieja na lodzie (IICHF) užo dziesiać hadoŭ — z 2016 hoda.
Hrupa kampanij «Šate-M Plus» — heta adzin z najbujniejšych u Biełarusi, Rasii i Kazachstanie dystrybjutaraŭ aŭtamabilnych zapčastak. Častka ź ich vyrablajecca pad ułasnym brendam Patron na partniorskich pradpryjemstvach. Jak paviedamlajecca na sajcie kampanii, heta 70 zavodaŭ, raźmieščanych u Kitai, Paŭdniovaj Karei, Turcyi, Bielhii, Italii, Rasii, Biełarusi, Tajvani, Małajzii, Litvie, Vienhryi i Polščy.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ7
Kamientary