Nacbank patłumačyŭ, navošta ŭviali patrabavańnie hieałakacyi pry ŭvachodzie ŭ internet-bankinh
Nacyjanalny bank patłumačyŭ biełarusam patrabavańnie hieałakacyi pry ŭvachodzie ŭ internet-bankinh. Z tłumačeńniami vystupiŭ namieśnik staršyni praŭleńnia Nacbanka Andrej Kartun.
Pa słovach Andreja Kartuna, z 1 lipienia 2026 hoda ŭ Biełarusi ŭstupajuć u dziejańnie novyja standarty finansavych pasłuh i technałohij — u bankaŭ budzie abaviazkovaj najaŭnaść antyfrod-sistemy.
Siarod paramietraŭ, jakija źbirajucca bankami pra pryładu, budzie i hieałakacyja. Adnak finansavyja ŭstanovy pavinny buduć nie tolki prainfarmavać biełarusaŭ pra zbor takich danych, ale i atrymlivać ad ich dazvoły.
Andrej Kartun zaŭvažyŭ, što banki i raniej ukaraniali ŭ dobraachvotnym paradku hieałakacyju, ale zaraz heta patrabavańnie stanie abaviazkovym.
«Padstavy turbavacca nijakaj niama absalutna, naadvarot, heta vyhadna dla spažyŭcoŭ bankaŭskich pasłuh. Jak heta budzie vyhladać? Naprykład, vy pastajanna žyviacie ŭ Minsku, zachodzicie sa svajoj pryłady, adpaviedna, u sistemy heta nie vyklikaje nijakich padazreńniaŭ», — patłumačyŭ namieśnik staršyni praŭleńnia Nacbanka.
U tym ža vypadku, kali biełarus zachodzić ź niejkaj inšaj pryłady, nieznajomaj sistemie i ź inšaj krainy ci horada, dy jašče amal adnačasova z vychadam ź inšaha miesca, to adpaviednyja słužby biaśpieki banka buduć adpracoŭvać pytańnie, bo sistema paznačyć čyrvonuju liniju. Biełarusam jak minimum patelefanujuć, kab pacikavicca: heta zachodzili jany ci niechta inšy.
Andrej Kartun zapeŭnivaje, što nijakaja ŭciečka danych niemahčymaja, bo jany zašyfravanyja. Bankam ža, maŭlaŭ, infarmacyja treba tolki dla harantavańnia biaśpieki, a ŭ rekłamna-kamiercyjnych metach jany jaje vykarystoŭvać nie buduć. I ŭvohule hieałakacyju ciapier patrabujuć šmat dzie, naprykład pry vykliku taksi, tamu banki tut ničoha niezvyčajnaha nibyta nie ŭvodziać.
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Bujny chostynh-pravajder Cloudflare vydaŭ rasijskamu miesiendžaru «Maks» paznaku špijonskaha prykładańnia
Syn Kałaŭra kinuŭ chlebnuju pracu i ŭznačalić pieršy biełaruski kryptabank
Druhi syn Kałaŭra atrymaŭ vysokuju pasadu
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu1
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5656
Kamientary
> nijakaja ŭciečka danych niemahčymaja, bo jany zašyfravanyja
Aha. A jašče maksymalnaja daŭžynia parolaŭ abmiežavanaja 12 symbalami, ci kala taho (pryvitańnie Ahraprombanku). I multyfaktarnaja aŭtaryzacyja praz SMS jakija lohka pierachoplivajucca. I heta ŭsio ŭ 2026 hodzie... kłoŭny.
> Biełarusam jak minimum patelefanujuć
Zadziaŭbieciesia telefanavać. Internet-bankinh pačnie pracavać jak biełaruskaja paliklinika - z čerhami pa 2-3 hadziny.
Dumaju ŭvohule tut dźvie asnoŭnyja mety:
- uskładnić žyćcio karystalnikam VPN. Taja ž schiema što na rašcy - zabyŭ vyklučyć VPN - atrymaŭ ban.
- stvaryć jašče adzin srodak dla tatanaha sačeńnia za nasielnictvam. A dadzienyja ab hiealakacyi pieradavać MNS i Hubazikam usialakim.
Dadam, što łakacyja ŭ braŭzierach taksama źbirajecca. Praz kłasifikacyju IP-adrasoŭ. VPN tam mohuć filtravać. Tamu internet-bankinh taksama moža atrymać prablemy, chacia i mienšyja pa paraŭnańniu z mabilnym. Padrabiaźniej pisaŭ pad papiarednim artykułam (395841).
Hałoŭnaja meta - ŭsio ž baraćba z kibiermachlarstvam. Nacbanku treba pakazać, što jon nie ihnaruje prablemu.
Rašeńnie mahło być bolš uzvažanym, z ulikam minusaŭ, jakija atrymajuć klijenty. Ale pry adsutnaści ŭliku hramadskich mierkavańniaŭ sistema idzie ŭ raznos: uličvajucca tolki dziaržaŭnyja i karparatyŭnyja intaresy.
Karyść dla padatkavikoŭ i karnikaŭ - užo jak nastupstvy rašeńnia.