Chłopiec, jaki čakaŭ dziaŭčynu z bukietam pad daždžom u Minsku, rasčuliŭ Threads VIDEA
Minčanka Alesia Kłačko vypadkova źniała sapraŭdny karotkamietražny film pra kachańnie. Niahledziačy na toje, što videa karotkaje, hledačy paśpiavajuć ładna paniervavacca za chłopca z ružami pad zalevaj.
Kranalnaje videa, źniataje ŭ centry Minska, kala restarana Mak.by, nabiraje papularnaść u sacsietkach.
Historyja razhortvajecca ŭ pachmurny, daždžlivy dzień. Małady čałaviek z bukietam čyrvonych ruž siadzić na parapiecie ažyŭlenaj darohi, mima jeduć mašyny, hramadski tralejbus. Chłopiec vyhladaje napružanym: u čakańni jon skurčyŭsia ad prachałody i daždžu, ale bieražliva trymaje kvietki.
Vidać, sustreča była pryznačana ŭ hetym miescy, ale čakańnie zaciahnułasia.
U niejki momant chłopiec ustaje — dziaŭčyna pryjšła. Tyja, chto sačyŭ za dramaj, vybuchajuć apładysmientami.
«Było vielmi napružana hladzieć», — pryznajecca aŭtarka videa.
Ščaślivy finał hetaj vypadkovaj sceny rasčuliŭ čytačoŭ.
«Śviet jašče možna vyratavać», «Kolki emocyj u hetym maleńkim videa!» — pišuć natchniona minčanie, pabačyŭšy na svaje vočy kachańnie ŭ vialikim horadzie.
-
Pa viartańni z Polščy aryštavali byłoha supracoŭnika KDB. Jaho abvinavačvajuć u «zdradzie dziaržavie»
-
U Hiermanii zabrali dapamohu ŭ biełaruski, jakaja syšłasia z haspadarom zdymnaj kvatery. Danos napisaŭ jaje źnikły bieź viestak muž
-
U Biełarusi vyznačyli try placoŭki dla mohilnika radyjoaktyŭnych adkidaŭ
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič11
Kamientary