Padčas praviadzieńnia centralizavanaha ekzamienu (CE) u Biełarusi zafiksavali šerah parušeńniaŭ pravił, paviedamili ŭ pres-słužbie Ministerstva adukacyi.
Z aŭdytoryj padčas CE vydalili 9 čałaviek. Pryčynami stali:
- vykarystańnie mabilnych telefonaŭ i navušnikaŭ;
- prymianieńnie šmatfunkcyjanalnaha kalkulatara;
- uniasieńnie źmianieńniaŭ u błanki adkazaŭ paśla zakančeńnia ekzamienu.
Dla paraŭnańnia, u minułym hodzie takich vypadkaŭ uvohule nie było.
Usiaho na ekzamien (pa pradmiecie na vybar) zarehistravalisia bolš za 59 080 čałaviek, i amal usie ź ich — 99,7% — u vyniku ŭziali ŭ im udzieł. Nie źjavilisia 204 čałavieki, u asnoŭnym z-za chvaroby abo spartyŭnych spabornictvaŭ.
Jašče dvoje abituryjentaŭ nie byli dapuščanyja da ekzamienu, bo nie mieli z saboj pašparta.
Akramia taho, 15 čałaviek nie zmahli zaviaršyć vyprabavańnie pa stanie zdaroŭja — im akazali nieabchodnuju dapamohu. Dla ŭdzielnikaŭ z zachvorvańniami (u tym liku z dyjabietam, prablemami słychu i aporna-ruchalnaha aparata) byli stvoranyja śpiecyjalnyja ŭmovy.
Tyja, chto nie zmoh siońnia zdać ekzamien pa ŭvažlivych pryčynach, zmohuć zrabić heta ŭ reziervovy dzień — 20 červienia.
Kamientary