Падчас правядзення цэнтралізаванага экзамену (ЦЭ) у Беларусі зафіксавалі шэраг парушэнняў правіл, паведамілі ў прэс-службе Міністэрства адукацыі.
З аўдыторый падчас ЦЭ выдалілі 9 чалавек. Прычынамі сталі:
- выкарыстанне мабільных тэлефонаў і навушнікаў;
- прымяненне шматфункцыянальнага калькулятара;
- унясенне змяненняў у бланкі адказаў пасля заканчэння экзамену.
Для параўнання, у мінулым годзе такіх выпадкаў увогуле не было.
Усяго на экзамен (па прадмеце на выбар) зарэгістраваліся больш за 59 080 чалавек, і амаль усе з іх — 99,7% — у выніку ўзялі ў ім удзел. Не з’явіліся 204 чалавекі, у асноўным з-за хваробы або спартыўных спаборніцтваў.
Яшчэ двое абітурыентаў не былі дапушчаныя да экзамену, бо не мелі з сабой пашпарта.
Акрамя таго, 15 чалавек не змаглі завяршыць выпрабаванне па стане здароўя — ім аказалі неабходную дапамогу. Для ўдзельнікаў з захворваннямі (у тым ліку з дыябетам, праблемамі слыху і апорна-рухальнага апарата) былі створаныя спецыяльныя ўмовы.
Тыя, хто не змог сёння здаць экзамен па ўважлівых прычынах, змогуць зрабіць гэта ў рэзервовы дзень — 20 чэрвеня.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары