Na ahravystavie «Biełahra» MAZ prezientavaŭ navinku — ružovy aŭtamabil dla pieravozki marožanaha «Kupava». Hetaja madel stvorana admysłova dla transpartavańnia zamarožanych praduktaŭ. Hałoŭnaja asablivaść mašyny — śpiecyjalny kuzaŭ, jaki zdolny nadziejna trymać hłyboki minus navat u letniuju śpioku.
Na vystavie «Biełahra» vystavili pieršy ŭzor marožanicy «Kupava» 273100, jakaja sabrana na bazie šasi MAZ-365022-540-020.
Raspracoŭka raźličana na tych, chto zajmajecca pieravozkaj zamarožanych praduktaŭ. Poŭnaja masa aŭtamabila — 3 940 kh. Pad kapotam — ruchavik na 150 konskich sił, jaki pracuje ŭ pary z 6‑stupieńčataj miechaničnaj karobkaj pieradač.
U sałonie: kandycyjanier, bartavy kampjutar, zadnija parktroniki, multyrul, elektrapakiet, mahnitoła i kruiz-kantrol.
Unutrany abjom kuzava — 9,75 kubičnaha mietra. Prastora padzielena na 8 siekcyj. Siem ź ich pryznačanyja dla pieravozki praduktaŭ. Vośmaja adviedziena pad elemienty choładu, jakija padtrymlivajuć tempieraturu.
Unutry kuzava možna stabilna padtrymlivać tempieraturu da minus 20 hradusaŭ.
Prapahandysty zapeŭnivajuć, što 196 palitviaźniaŭ užo na svabodzie9
Kamientary