Administracyja kiraŭnika «ŁNR» uviała zabaronu na pasažyrskija pieravozki pa trasie «Navarosija» i darozie R-150. Jana ŭstupiła ŭ siłu a 4:00 ranicy siońnia i budzie dziejničać da asobnaha rasparadžeńnia, paviedamlaje «Kamiersant».
Zabarona datyčycca rehularnych i nierehularnych pasažyrskich pieravozak na ŭčastkach tras: R-150 Biełharad — Starabielsk — Łuhansk — Danieck — Maryupal (km 518+910 — km 532+255) i R-280 «Navarosija» Rastoŭ-na-Donie — Maryupal — Mielitopal — Simfieropal.
Akramia taho, na ŭsioj terytoryi «ŁNR» zabaroniena pieravozić hrupy dziaciej, za vyklučeńniem mierapryjemstvaŭ, jakija pravodziacca Ministerstvam adukacyi i navuki respubliki. Ruch pryharadnych ciahnikoŭ budzie arhanizoŭvacca Ministerstvam transpartu «ŁNR».
Administracyja taksama rekamiendavała žycharam nie karystacca nazvanymi aŭtadarohami. Unutranyja aŭtobusnyja rejsy praciahnuć pracu, ale ŭ niekatorych vypadkach maršruty mohuć być źmienienyja.
Raniej paviedamlałasia, što Ukraina pierarazaje šlachi zabieśpiačeńnia rasijskaj armii pa trasie Tahanroh — Maryupal — Mielitopal — Džankoj.
Prapahandysty zapeŭnivajuć, što 196 palitviaźniaŭ užo na svabodzie9
Kamientary
Ukraina lišajet snabžienije Kryma iz Rośsii, ostavlaja tolko Krymskij most, čtoby, vsie žiełajuŝije viernuťsia v Rośsiju, mohli viernuťsia v Rośsiju.
Snabžať budut tolko vojennych do poślednieho, hraždanskich brosiat na proizvoł sud́by, tak vsiehda było u russkich i sriedi russkich.