Stała viadoma, z kim moža zhulać «MŁ Viciebsk», kali projdzie pieršy raŭnd Lihi čempijonaŭ. Zdajecca, zusim biez šancaŭ
Učora čempijon Biełarusi pa futbole atrymaŭ u supierniki ŭ pieršym raŭndzie kvalifikacyi Lihi čempijonaŭ rumynskuju «Univiersitaciu» z Krajovy.
Siońnia stała viadoma koła supiernikaŭ, chto moža trapicca ŭ druhim raŭndzie, kali biełaruski kłub pieramoža rumynaŭ.
Siarod patencyjnych supiernikaŭ — «Dynama» (Zahrab), «Słovan» (Bracisłava), «Amonija» (Kipr), «Cele» (Słavienija), «Chapael» (Biejer-Ševa, Izrail) i pieramožca pary «Borac» (Bośnija) — «Leŭski» (Bałharyja).
Dakładny mahčymy supiernik vyznačycca siońnia a 14-j.
Matčy pieršaha raŭndu projduć 7‑8 i 14‑15 lipienia, druhoha — 21‑22 i 28‑29 lipienia.
Kali «MŁ Viciebsk» vylecić u pieršym raŭndzie Lihi čempijonaŭ, to jon atrymaje šaniec praciahnuć baraćbu ŭ kvalifikacyi Lihi kanfierencyj.
Jon zhulaje z adnym ź niaŭdačnikaŭ paraŭ:
«Borac» (Bośnija — «Leŭski» (Bałharyja), «Kajrat» (Kazachstan) — «Sućjeka» (Čarnahoryja), «Vikinhur» (Isłandyja) — «Dźjor» (Vienhryja).
U pieršym raŭndzie kvalifikacyi Lihi kanfierencyj minskaje «Dynama» zhulaje z paŭnočnamakiedonskim «Sileksam», a BATE z ałbanskim «Elbasani».
Tak, kali BATE pieramoža ałbancaŭ, to ŭ druhim raŭndzie moža zhulać z tureckim «Istanbuł Basachšechiram», partuhalskaj «Brahaj», narviežkim «Branam», šviejcarskim «Śbionam», pieramožcam pary «Marsašłok» (Malta) — «Piunik» (Armienija)
U minskaha «Dynama», jakoje maje najlepšyja šancy na druhi etap, u druhim raŭndzie moža trapicca chtości z nastupnych kamandaŭ: «Nieftčy» (Azierbajdžan), «Chapael» (Tel-Aviŭ), «Vajełat» (Malta), pieramožca paraŭ «Šeryf» (Ciraspal) — «Aluminij» (Słavienija), «Dziła» (Hruzija) — «Virtus» (San-Maryna).
Usie mahčymyja supierniki stanuć viadomyja a 16-j.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik21
Kamientary