Palaki na miažy ź Biełaruśsiu, vyklikajučy svaich ratavalnikaŭ, traplajuć da biełaruskich
U pamiežnych rajonach Polščy, jakija miažujuć ź Biełaruśsiu, u žycharoŭ uźnikli surjoznyja prablemy z dazvońvańniem na ekstranny numar 112. Telefanujučy polskim słužbam, jany dazvońvajucca da biełaruskich, piša Polsat.
Ludzi skardziacca, što pry sprobie patelefanavać u avaryjnyja słužby ich zvanki časam traplajuć nie ŭ polskuju sistemu, a pieranakiroŭvajucca na biełaruskija bazavyja stancyi i ŭ vyniku mohuć apracoŭvacca biełaruskaj dyśpietčarskaj słužbaj. Heta vyklikaje tryvohu, bo ŭ krytyčnych situacyjach dostup da miascovych ekstrannych słužbaŭ moža być uskładnieny abo zatrymany.
Pradstaŭniki miascovaj ułady ŭ Padlašskim vajavodstvie śćviardžajuć, što ŭ rehijonie sapraŭdy nazirajucca pieraškody ŭ pracy mabilnaj suviazi. Niekatoryja čynoŭniki ličać, što heta moža być źviazana z metanakiravanym uździejańniem z boku Biełarusi i navat nazyvajuć heta elemientam hibrydnaj vajny. Pavodle ich słoŭ, sihnał ź biełaruskaha boku moža pieraškadžać pracy polskich sietak i prymušać telefony padklučacca da zamiežnaj infrastruktury.
Pry hetym inšyja pradstaŭniki ŭłady adznačajuć, što situacyja nie vyhladaje adnolkava ŭvieś čas: u niekatorych vypadkach da 112 usio ž možna dazvanicca, ale časam uźnikajuć zatrymki abo prablemy z suviaźziu, asabliva ŭ pamiežnych rajonach.
Prablemy zakranajuć nie tolki ekstrannyja vykliki, ale i zvyčajnuju mabilnuju suviaź. Žychary adznačajuć, što ich telefony časam padklučajucca da biełaruskich sietak, što moža pryvodzić taksama da dadatkovych vydatkaŭ.
Miascovyja ŭłady zajavili, što płanujuć pravieryć situacyju i abmierkavać jaje z mabilnymi apieratarami, kab palepšyć pakryćcio polskich sietak u pamiežnych rajonach i minimizavać ryzyki dla biaśpieki nasielnictva.
Kamientary
Koniečno-koniečno, vo vsiom vinovaty biełorusy i ukraincy. A to čto polskaja sieť načinajet otvalivaťsia jeŝio po dorohie mieždu Podlaskoj i Varšavoj eto jerunda. Vyški staviť nado i nie ekonomiť na moŝnostiach.
Ludiam soviet: vybirajtie podklučienije k opieratoru vručnuju. Tak vaš tielefon voźle hranicy ostanietsia v domašniej sieti. Aktualno po obie storony hranicy. Kstati biełorusy v prihraniċje nie znaja ob etoj štukie i popadajut v rouminh.