Łukašenka pra trahiedyju z aŭtobusam u Bransku: Heta ŭkrainski bieśpiłotnik
«My nie śpiašajemsia rabić niejkija vysnovy, ale dakładna kanstatujem fakt, što heta bieśpiłotnik ukrainskaha pachodžańnia».
Dron, jaki atakavaŭ aŭtobus ź biełaruskimi hramadzianami, u tym liku dziećmi, u Branskaj vobłaści, maje ŭkrainskaje pachodžańnie, zajaviŭ siońnia Łukašenka na naradzie z vajskoŭcami, piša BiełTA.
«My nie śpiašajemsia rabić niejkija vysnovy, ale dakładna kanstatujem fakt, što heta bieśpiłotnik ukrainskaha pachodžańnia. Heta ŭkrainski bieśpiłotnik», — zajaviŭ jon paśla dnia maŭčańnia.
Alaksandr Łukašenka paviedamiŭ, što ŭkrainski bok adkazaŭ na pretenzii, zajaviŭšy, što takija bieśpiłotniki mohuć nabyvać roznyja asoby.
«Heta značyć, što nie my (tak śćviardžaje ŭkrainski bok), heta niechta kupiŭ, a mahčyma, heta niejkaja pravakacyja, až da taho, što padobny ŭdar nibyta nanieśli sami rasijanie, — raskazaŭ jon pra adkaz z boku Ukrainy. — Ale niekatoryja rečy ŭžo siońnia viadomyja. Jany kažuć, što ŭ hety čas udary pa Branskaj vobłaści nie nanosilisia. Adnak toj ža kiroŭca aŭtobusa śćviardžaje, što asabista bačyŭ (i, napeŭna, nie tolki jon — śledstva heta pakaža) nie adzin dron, a niekalki, jakija, pavodle jaho słoŭ, huli i latali nad aŭtobusam».
«Adzin z hetych dronaŭ, dziakuj Bohu, nie vielmi mahutny, udaryŭ u aŭtobus. U vyniku zahinuŭ čałaviek i paciarpieli našy dzieci», — adznačyŭ jon.
«Takim čynam, kanśpirałahičnych viersij tut dastatkova», — zaŭvažyŭ Łukašenka.
«Kali nas chtości pravakuje i sprabuje ŭciahnuć u vajnu, dumaju, što heta drenna abydziecca tym, chto sprabuje heta zrabić.
My siabie pavodzim spakojna. Kamuści nie padabajecca, što Biełaruś spakojnaja dziaržava, tamu heta ŭsio adbyvajecca. My čujem zajavy, apraŭdańni, viersii roznyja. Ale nam patrebna iścina.
I my čakajem hetaj praŭdy ci realnaha, spraviadlivaha, sumlennaha adkazu ad ukrainskich dziaržaŭnych słužboŭcaŭ i vajskoŭcaŭ, i ludziej. My ŭsio roŭna daviedajemsia praŭdu, heta nie budzie vialikaj prablemaj», — zajaviŭ Łukašenka.
Ciapier čytajuć
«Ja supracoŭnica KDB, u vas buduć prablemy». Minčanka chacieła napisać skarhu ŭ optycy, ale supracoŭnica pakazała koračku11
Kamientary
- Heta ŭkrainski bieśpiłotnik!
Było b cikava pasłuchać samaho kiroŭcu i pasažyraŭ aŭtobusa, jak jany heta ŭsio zapomnili.