«My siabie pavodzim spakojna». Łukašenka prakamientavaŭ udar pa aŭtobusie ŭ Branskaj vobłaści
Łukašenka na naradzie z vajskoŭcami prakamientavaŭ udar pa aŭtobusie ŭ Branskaj vobłaści.
«Kali nas niechta pravakavaŭ i sprabuje ŭciahnuć u vajnu, dumaju, što heta drenna abydziecca tym, chto heta sprabuje zrabić. My siabie pavodzim spakojna. Kamuści nie padabajecca, što Biełaruś — spakojnaja dziaržava, tamu ŭsio heta i adbyvajecca. My čujem zajavy, apraŭdańni, roznyja viersii. Ale nam patrebna praŭda.
I my čakajem hetaj praŭdy abo realnaha, spraviadlivaha, sumlennaha adkazu ad ukrainskich dziaržaŭnych słužboŭcaŭ, vajskoŭcaŭ i ludziej. My ŭsio roŭna vyśvietlim hetu praŭdu— heta nie budzie vialikaj prablemaj», — cytuje jaho słovy Puł pieršaha.
Učora, 17 červienia, u Branskaj vobłaści byŭ paškodžany aŭtobus, jaki pieravoziŭ dziaciej z futbolnaj kamandy dziciača-junackaj spartyŭnaj škoły №2 horada Rečycy, a taksama navučencaŭ pryvatnaj tancavalnaj studyi. Jak śćviardžajuć rasijskija ŭłady, udar byŭ nibyta naniesieny ŭkrainskim bieśpiłotnikam.
U vyniku zdareńnia zahinuła žančyna, jakaja supravadžała hrupu dziaciej i była žonkaj treniera kamandy. Jašče vosiem čałaviek, u tym liku šaściora dziaciej, atrymali traŭmy roznaj stupieni ciažkaści.
Učora i siońnia pasažyraŭ aŭtobusa dastavili ŭ Biełaruś.
-
Biełarusy, jakim nie ŭdałosia atrymać adukacyjnyja dakumienty na radzimie, mohuć pastupać u polskija VNU pa śpiecyjalnaj pracedury
-
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić
-
Karajeŭ užo nabraŭ na Hrodzienščynie pieršy ŭzvod niadbajnych ahraryjaŭ
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary
[Zredahavana]
[Zredahavana]
I vot ty eto uznaješ. I čto sdiełaješ?Budieš biť putina baškoj ob stoł ili zadušiš?