Tramp niefarmalna paraiŭ Zialenskamu być z Rasijaj bolš rašučym — Kyiv Independent
Pavodle infarmacyi vydańnia Kyiv Independent sa spasyłkaj na vysokapastaŭlenaha ŭkrainskaha čynoŭnika, prezident ZŠA Donald Tramp padčas pryvatnaj sustrečy zaklikaŭ prezidenta Ukrainy Uładzimira Zialenskaha dziejničać bolš rašuča ŭ adnosinach da Rasii.
Krynica Kyiv Independent śćviardžaje, što Tramp ličyć: biez dadatkovaha cisku prezident Rasii Uładzimir Pucin nie pojdzie na istotnyja kroki dla spynieńnia vajny. Pry hetym amierykanskija čynoŭniki adznačajuć, što Tramp prytrymlivajecca pryncypu «mir praź siłu» i ličyć siłu važnym faktaram jak na poli boju, tak i ŭ pieramovach.
Surazmoŭcy vydańnia nie paviedamili naŭprost, ci padtrymlivaje Tramp udary Ukrainy pa terytoryi Rasii. Adnak, pavodle ŭkrainskich čynoŭnikaŭ, aktyvizacyja ŭkrainskich atak i ŭdary pa łahistyčnych maršrutach Rasii mahli paŭpłyvać na ŭsprymańnie Vašynhtonam vajennaj situacyi. U Kijevie ličać, što heta dapamahło pierakanać amierykanskaje kiraŭnictva ŭ tym, što pazicyi Ukrainy ciapier macniejšyja, čym byli na pačatku hoda.
Padobnyja acenki raniej davali i krynicy vydańnia Bloomberg. Pavodle ich źviestak, u administracyi ZŠA ŭsio bolš schilajucca da dumki, što Rasija nie zmoža dasiahnuć pieramohi na poli boju, a mahčymaści Ukrainy pastupova ŭzmacniajucca.
Padčas zakrytaj sustrečy lidaraŭ krain G7 Tramp vykazaŭ hatoŭnaść praciahvać padtrymku Ukrainy i ŭzmacnić cisk na Rasiju dziela zakančeńnia vajny pry ŭdziele jeŭrapiejskich partnioraŭ u vyrašeńni inšych mižnarodnych zadač.
Na samicie G7 prezident ZŠA dałučyŭsia da sumiesnaj zajavy lidaraŭ, u jakoj paćviardžajecca padtrymka Ukrainy i adznačajecca hatoŭnaść razhledzieć mahčymaść vydačy licenzij na vytvorčaść uzbrajeńniaŭ na ŭkrainskaj terytoryi.
Uładzimir Zialenski taksama paviedamiŭ, što Tramp stanoŭča stavicca da idei naładžvańnia licenzijnaj vytvorčaści rakiet dla zienitna-rakietnych kompleksaŭ Patriot va Ukrainie.
Pavodle krynicy Kyiv Independent, padčas sustrečy 16 červienia Zialenski pakazaŭ Trampu fotazdymki nastupstvaŭ rasijskaha ŭdaru pa Kijeva-Piačerskaj łaŭry 15 červienia. Surazmoŭca vydańnia śćviardžaje, što maštab razbureńniaŭ mocna ŭraziŭ amierykanskaha prezidenta i vyklikaŭ u jaho emacyjnuju reakcyju.
Lidary krain G7 damovilisia ŭzmacnić cisk na Rasiju praz naftu i haz. Zdajecca, nichto nie suprać
Łaŭroŭ zajaviŭ, što Rasija hatova adnavić pieramovy z Ukrainaj
Ministr finansaŭ ZŠA nazyvaŭ Zialenskaha «mister Bin pad krekam»
Tramp: Zialenskamu i Pucinu treba sustrecca, ale jany nie viedajuć, jak
Tramp zaklikaŭ Pucina zaklučyć ździełku
Tramp zajaviŭ, što paśla Irana zasiarodzicca na vajnie va Ukrainie
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary