Ale Rasija hatovaja pryniać «uvieś kompleks mier», kab zabiaśpiečyć biaśpieku Biełarusi, zajaŭlaje kiraŭnik MZS RF.
Biełaruś sprabujuć uciahnuć va ŭkrainski kanflikt, tym samym uskładniŭšy mahčymaści jaho ŭrehulavańnia palityka-dypłamatyčnymi srodkami. Ab tym zajaviŭ ministr zamiežnych spraŭ Rasii Siarhiej Łaŭroŭ, kamiencirujučy zajavu pradstaŭnika Jeŭrakamisii Anity Chipier, jakaja padtrymała prava Ukrainy abaraniać siabie, u tym liku atakujučy rasijskija retranślatary ŭ Biełarusi.
«Hetaja niamieckaja dama naŭprost padtrymała pahrozy, jakija ŭčora vysunuŭ Zialenski ŭ adras suvierennaj dziaržavy, paabiacaŭšy vykarystać siłu, kali hetamu dyktataru taho zachočacca. Tamu ja liču, što hetaja cyničnaja sproba pavinna być asudžanaja. Heta vidavočna nacelena na toje, kab uciahnuć Biełaruś u naŭprost u kanflikt palityka-dypłamatyčnymi srodkami», — skazaŭ Łaŭroŭ padčas pasolskaha kruhłaha stała pa situacyi vakoł Ukrainy.
Łaŭroŭ nahadaŭ, što z sakavika 2025 hoda dziejničaje dahavor pamiž Rasijskaj Fiederacyjaj i Biełaruśsiu ab harantyjach biaśpieki ŭ ramkach Sajuznaj dziaržavy.
«I ŭ vypadku nieabchodnaści my hatovy pryniać uvieś kompleks mier, jaki praduhledžany dahavoram, kab harantavać biaśpieku našaha sajuźnika i, biezumoŭna, biaśpieku Sajuznaj dziaržavy», — zajaviŭ kiraŭnik MZS Rasii.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha9
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu100100
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu100
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary
Voś nie treba hetaha "kompleksa mier", nahoniać da nas 300k rasiejskich vajskovych i jak ich potym adsiul vyhnać?
«I ŭ vypadku nieabchodnaści my hatovy pryniać uvieś kompleks mier, jaki praduhledžany dahavoram, kab zabiaśpiečyć biaśpieku našaha sajuźnika i, biezumoŭna, biaśpieku Sajuznaj dziaržavy», — zajaviŭ kiraŭnik MZS Rasii.
- Rasieja ŭviadzie svaje vojski na terytoryju Biełarusi pa damovie ODKB.