Łukašenka siońnia na sustrečy z premjeram Alaksandram Turčynym raskazaŭ pra zapłanavanuju sustreču z Uładzimiram Pucinym i doŭhaterminovuju kamandziroŭku za miažu, piša BiełTA.
Padčas razmovy zhadvalisia niadaŭnija vizity premjer-ministra va Uźbiekistan i Rasiju.
«Vy ž byli ŭ kamandziroŭcy. Jak tam składvajucca abstaviny z našymi siabrami?» — pacikaviŭsia Alaksandr Łukašenka.
Razmova išła pra pieramovy kiraŭnikoŭ uradaŭ Biełarusi i Rasii.
«Vy razmaŭlali ź Michaiłam Uładzimiravičam Mišuścinym (premjer-ministram Rasii). Čym skončyłasia heta razmova? Heta vielmi aktualna pierad majoj sustrečaj z prezidentam Rasii, na jakoj my, jak zvyčajna, u hetym płanie abmiarkoŭvajem toje, što nie vyrašana ŭradami», — skazaŭ Łukašenka.
Jon adznačyŭ, što nieŭzabavie budzie prachodzić XIII Forum rehijonaŭ Biełarusi i Rasii, jaki hetym razam arhanizavany ŭ Minsku i Minskaj vobłaści.
«Tamu treba budzie vam hetym zajmacca pierš za ŭsio, pakolki ŭ mianie tut praciahłaja kamandziroŭka, — aryjentavaŭ premjer-ministra Łukašenka. — I ŭ suviazi z hetaj praciahłaj kamandziroŭkaj — taksama jakija pytańni nam treba budzie vyrašać. Moža, jość prapanovy».
-
Biełaruskuju movu na ispytach vybiraje ŭsio mienšaja dola vypusknikoŭ škoł. Kali 20 hadoŭ tamu jaje zdavała amal pałova, ciapier — tolki kožny šosty
-
«Na adčuvalnyja temy — tolki doma abo kali hulaješ pieššu. Heta ciapier baza». Biełarusy raskazali pra samacenzuru ŭ ich žyćci
-
U Brest prybłukaŭ małady łoś VIDEA
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary
Moža lepiej na paru hod, a tam hladziš spadabajecca i vyraša zastacca.)