57‑hadovuju ŭradženku Vińnicy asudzili za kamientary ŭ telehramie. Siabie jana nazyvała «ŭkrainkaj z akupavanaha Minska»
Aksanu Valvačovu, jakaja bolš za 30 hadoŭ žyvie ŭ Biełarusi, asudzili pavodle dvuch kryminalnych artykułaŭ. Ciapier žančyna za kratami. Joj pahražała da 12 hadoŭ kałonii.
Aksana Valvačova naradziłasia va ŭkrainskaj Vińnicy, ale žyvie ŭ Biełarusi bolš za 30 hadoŭ. Ciapier joj 57 hadoŭ.
Z pačatku 2019 hoda žančyna była zarehistravanaja jak indyvidualnaja pradprymalnica, a jaje asnoŭnym vidam dziejnaści byŭ roźničny handal kaŭbasnymi vyrabami i viandlinaj u śpiecyjalizavanych kramach Minska. Ciapier jaje biznes znachodzicca ŭ pracesie likvidacyi.
Aksana maje aktyŭnuju hramadzianskuju pazicyju i šmat kamunikavała ŭ palityčnych telehram-čatach, asabliva paśla pačatku poŭnamaštabnaj vajny va Ukrainie ŭ 2022 hodzie. Z adkrytych danych vynikaje, što siłaviki pieraśledavali jaje mienavita za kamientary ŭ siecivie. Pieršy raz minčanku zatrymlivali jašče ŭ studzieni 2024 hoda mienavita za kamientary.
Siabie Valvačova nazyvała «ŭkrainkaj z akupavanaha Minska». Žančyna raskazvała, što paviesiła ściah Ukrainy na svaim pryłaŭku paśla pačatku vajny, až pakul načalstva nie zmusiła jaho źniać.
Aksanu Valvačovu asudzili ŭ Minskim haradskim sudzie. Jaje pryznali vinavataj pavodle dvuch artykułaŭ Kryminalnaha kodeksa Biełarusi: č. 3 art. 361 (zakliki da dziejańniaŭ, nakiravanych na pryčynieńnie škody nacyjanalnaj biaśpiecy) i č. 1 art. 368 (abraza Łukašenki).
Ciapier žančyna ŭ kałonii. Prysud nieviadomy, ale č. 3 art. 361 praduhledžvaje pakarańnie ad 3 da 12 hadoŭ kałonii.
«Naša Niva» — bastyjon biełaruščyny
PADTRYMAĆCiapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła3
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4040
Kamientary