U suviazi z vysokim naviedvańniem da 6 lipienia pradoŭžana praca vystavy «Pryłady pakarańnia Siaredniaviečča» ŭ Nacyjanalnym histaryčnym muziei,
paviedamiła pres‑sakratar muzieja Vieranika Sasnoŭskaja.
Pracu vystavy, jakaja adkryłasia 6 maja, płanavałasia zaviaršyć 6 červienia. Za 40 dzion jaje naviedali prykładna 2 tys. čałaviek, u asnoŭnym studenckaja moładź i ludzi siaredniaha ŭzrostu, skazała Sasnoŭskaja.
U ekspazicyi z fondaŭ dziaržaŭnaha muzieja historyi Sankt‑Pieciarburha «Pietrapaŭłaŭskaja krepaść» — pryblizna 50 kopij pryładaŭ katavańnia i pakarańnia, jakija vykarystoŭvalisia pry dopytach i pavodle prysudu (haniebnaja maska, maska bluźniera, pakajannaja kašula, kajdany, namordnik, flejta‑šumiełka, skrypka platkarak), a taksama pryładaŭ ažyćciaŭleńnia śmiarotnaj kary (koła, ručnaja piła, koł).
Cialesnyja pakarańni, jakija ŭpieršyniu stali zhadvacca ŭ zakonach vaviłonskaha cara Chamurapi ŭ XVIII stahodździ da našaj ery, šyroka vykarystoŭvalisia ŭ Rymskaj impieryi. Adnak u śviadomaści sučasnaha čałavieka ich prymianieńnie ŭ jakaści sposabu atrymańnia pryznańnia i vykanańnia prysudu čaściej za ŭsio asacyjujecca ź pieryjadam Siaredniaviečča. Mienavita ŭ hetuju epochu, u časy inkvizicyi, była stvorana vialikaja kolkaść raznastajnych prystasavańniaŭ i instrumientaŭ dla katavańnia i pakarańnia.
Vystava prybyła z Homiela, dzie karystałasia vialikim pośpiecham.
Dyrekcyja muzieja nie rekamienduje naviedvańnie vystavy dzieciam da 10 hadoŭ biez supravadžeńnia darosłych.
Ciapier čytajuć
«Vy pryjšli siudy łochami, a staniecie drapiežnikami». Jak pracujuć minskija koł-centry skamieraŭ5
Kamientary