U matčy treciaha kruha biełaruskaja tenisistka ŭ dvuch setach pieramahła pradstaŭnicu Łatvii Alenu Astapienku — 6:4, 6:4.
Sabalenka zachapiła inicyjatyvu z pačatku sustrečy i kantralavała chod hulni, nie dazvoliŭšy sapiernicy pierałamać situacyju. Matč doŭžyŭsia kala paŭtary hadziny.
U baraćbie za vychad u čverćfinał Sabalenka sustreniecca ź japonskaj tenisistkaj Naomi Osakaj, jakaja zajmaje 14‑ie miesca ŭ suśvietnym rejtynhu.
Na šlachu da 1/8 finału biełaruska raniej pieramahła sierbku Teadoru Kostavič i amierykanku Makartni Kieśler.
Jašče adna pradstaŭnica Biełarusi Iryna Šymanovič, jakaja prabiłasia ŭ asnoŭnuju sietku praz kvalifikacyju, spyniła vystupleńnie ŭžo ŭ pieršym kruzie, sastupiŭšy šviejcarcy Viktoryi Hołubič.
Sioletni Uimbłdon prachodzić z 29 červienia pa 11 lipienia. Ahulny pryzavy fond turniru składaje 62,4 miljona funtaŭ sterlinhaŭ, a pieramožcy ŭ adzinočnych razradach atrymajuć pa 3,6 miljona funtaŭ.
Kamientary