Rasparadžeńnie ab stvareńni štaba było padpisana Mileram 17 červienia.
U «Hazpromie» stvorany apieratyŭny štab pa acency situacyi ŭ Biełarusi, paviedamiŭ žurnalistam 18 červienia kiraŭnik rasijskaha hazavaha chołdynhu Alaksiej Miler.
U svaju čarhu načalnik pres‑słužby «Hazproma» Siarhiej Kupryjanaŭ adznačyŭ, što rasparadžeńnie ab stvareńni štaba było padpisana Mileram 17 červienia. U jaho skład uvajšli kiraŭniki halin pa eksparcie, pa zdabyčy, a taksama dyśpietčarskaha kirunku «Hazproma».
Napiaredadni padčas Pieciarburhskaha mižnarodnaha ekanamičnaha forumu Miler paviedamiŭ žurnalistam, što
z 21 červienia pastaŭki hazu ŭ Biełaruś mohuć być skaročanyja na 85% u vypadku niapłaty Minskam doŭhu.
«Uličvajučy košt užo pastaŭlenaha ŭ červieni hazu i vieličyniu doŭhu — 192 młn. dalaraŭ, vyznačana, što abmiežavańnie składzie 85% ad płanavaha abjomu pastavak hazu ŭ Biełaruś. Astatnija 15% dazvolać Biełarusi padtrymlivać hazatranspartnuju sistemu ŭ rabočym stanie da poŭnaj kampiensacyi nazapašanaj zapazyčanaści», — zajaviŭ Miler.
U «Hazpromie» nahadvajuć, što kantraktnaja cana pastavak hazu ŭ Biełaruś składaje 169 dalaraŭ za tysiaču kubamietraŭ, adnak Minsk pakul płacić 150 dalaraŭ, z‑za čaho ŭźnikła zapazyčanaść. Pavodle acenki «Hazproma», doŭh «Biełtranshazu» moža vyraści da kanca hoda da 500—600 młn. dalaraŭ z‑za raźlikaŭ pa canie nižejšaj za kantraktnuju.
«My vielmi raźličvajem, što da 21 červienia «Biełtranshaz» narešcie pahasić zapazyčanaść, — skazaŭ kiraŭnik hazavaha chołdynhu. — Čarhovy list z patrabavańniem stroha prytrymlivacca kantraktu i vypłacić daŭhi byŭ nakiravanyja ŭčora. Ale, jak my papiaredzili biełaruski bok, kali «Biełtranshaz» nie zrobić nijakich zachadaŭ, «Hazprom» u adpaviednaści z punktam 6.4 kantraktu ad 31 śniežnia 2006 hoda ŭviadzie abmiežavańni na pastaŭku hazu ŭ Biełaruś».
Ciapier čytajuć
Mabilnym apierataram zabaranili zahaniać biełarusaŭ u vialiki minus8
Mabilnym apierataram zabaranili zahaniać biełarusaŭ u vialiki minus
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary