U Biełarusi praciahvajuć pradavać z aŭkcyjonaŭ majomaść byłoha palitviaźnia i śviatara Hienrycha Akałatoviča. 2 lipienia pavinny byli prajści tarhi pa prodažy jaho ziamielnaha ŭčastka ŭ vioscy Novaja Myš Baranavickaha rajona. Adnak aŭkcyjon nie adbyŭsia ŭžo čaćviorty raz zapar — achvotnych nabyć učastak znoŭ nie znajšłosia. U toj ža čas try staražytnyja abrazy, jakija naležali śviataru, byli pradadzienyja, piša «Bresckaja viasna».
Kožny z abrazoŭ vystaŭlaŭsia na asobny aŭkcyjon, i ŭ kožnym vypadku ŭdzielničaŭ tolki adzin kupiec, jaki pahadziŭsia na nabyćcio.
Pavodle padlikaŭ, za try abrazy ŭ biudžet pastupić 4620 rubloŭ. Najstarejšy z pradadzienych abrazoŭ datujecca XVIII stahodździem.
Ksiandza Hienrycha Akałatoviča zatrymali ŭ kancy 2023 hoda. Jaho pryznali vinavatym u «zdradzie dziaržavie» i asudzili da 11 hadoŭ pazbaŭleńnia voli. U listapadzie 2025 hoda śviatar vyjšaŭ na volu paśla pamiłavańnia, paśla čaho byŭ vysłany za miežy Biełarusi. Paśla hetaha jaho majomaść praciahvajuć pradavać praz aŭkcyjony.
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary