Ekśpiert: Abmiežavańnie hazu na 15% nie krytyčnaje dla biełaruskaj pramysłovaści
5‑pracentnaje abmiežavańnie pastavak hazu nie krytyčnaje dla biełaruskaj pramysłovaści. Takoje mierkavańnie vykazała BiełaPAN ekanamičny ahladalnik, ekśpiert u halinie enierhietyki Taćciana Manionak, kamientujučy rašeńnie «Hazproma».
«Dla bujnych pramysłovych pradpryjemstvaŭ abmiežavańniaŭ u pastaŭkach enierharesursaŭ nie pradbačycca», — adznačyła jana. Manionak źviarnuła ŭvahu na toje, što Biełaruś ciapier u maksimalnych abjomach impartuje elektraenierhiju z‑za miažy.
Ekśpiert miarkuje, što situacyja z abmiežavańniami pastavak hazu ŭ Biełaruś praciahniecca niadoŭha: Rasija daje Biełarusi čas uzvažyć usie «za» i «suprać» i pryniać rašeńnie. «Da taho ž tut zaviazanyja intaresy nie tolki Biełarusi, ale i jeŭrapiejskich spažyŭcoŭ, jakija vykazvajuć zakłapočanaść u suviazi z pastaŭkami hazu», — dadała Manionak.
Pavodle jaje acenki, amal 200 młn. dołaraŭ zapazyčanaści za haz taksama nie krytyčnaja dla Biełarusi suma. Razam z tym, pavodle słoŭ ekśpierta,
heta pytańnie treba razhladać u źviazcy ź inšymi prablemami, što skłalisia ŭ biełaruska‑rasijskich adnosinach.
Manionak, u pryvatnaści, nahadała, što Biełaruś nie maje namieru ŭvachodzić u Mytny sajuz na vystaŭlenych Rasijaj umovach . « I šmat pytańniaŭ vyklikaje ahučanaje «Hazpromam» abmiežavańnie pastavak na 85% praparcyjanalna doŭhu. Mabyć, dla Rasii heta zručny ryčah uździejańnia, jaki prymianiajecca, kab Biełaruś pryniała nieabchodnyja joj rašeńni pa inšych pytańniach — u pryvatnaści, padpisańnie Mytnaha kodeksa Mytnaha sajuza», — kamientuje ekśpiert.
Manionak nie stała razvažać, nakolki abhruntavanymi źjaŭlajucca pretenzii Biełarusi ŭ adkaz u suviazi z doŭham za tranzit hazu (u Minenierha Biełarusi nazyvajuć sumu 200 młn. dołaraŭ). «Składana havaryć, nie bačačy kantrakta i prapisanych u im umoŭ pastavak i tranzitu», — adznačyła ekśpiert.
Pry hetym jana nie razumieje, čamu «biełaruski bok, kali taki doŭh sapraŭdy jość, maŭčaŭ raniej». Ekanomika, pavodle słoŭ Manionak, «nie ŭ takim dobrym stanie, kab zamoŭčvać infarmacyju pra taki doŭh».
U lubym vypadku, ličyć ekśpiert, užo siońnia nieabchodna abmiarkoŭvać pytańnie pastaŭki hazu ŭ 2011 hodzie. «Treba sadzicca za stoł pieramoŭ dla pošuku kampramisnych padychodaŭ», — pierakananaja Taćciana Manionak.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary