Top samych viadomych u śviecie ŭradžencaŭ Minska

Ekśpierty sajta www.imdb.com (The Internet Movie Database) skłali śpis samych viadomych uradžencaŭ Minska, jakija majuć dačynieńnie da kinaindustryi.

Śpis strakaty i supiarečlivy. Ab mnohich u Biełarusi i nie viedajuć.

U top uvajšli piaćdziesiat vosiem uradžencaŭ Minska. Najpierš heta tyja, chto prajaviŭ siabie ŭ ZŠA ci Rasii.

Siarod tych, chto siońnia ŭ biełarusaŭ na słychu, — Alaksandr Rybak, Dźmitryj Kałdun, Anžalika Ahurbaš. Usie ŭ roznyja hady ŭdzielničali ŭ jeŭrapiejskim konkursie pieśni «Jeŭrabačańnie». I kali Rybak paśla svajoj pieramohi ŭ 2009 hodzie jašče i ŭ filmie źniaŭsia («Yohan — Barnevandrer»), to Kałdun i Ahurbaš da kiniematohrafa dačynieńni majuć tolki praz zdymki ŭ klipach.

Jość u śpisie i jašče adzin udzielnik «Jeŭrabačańnia», dziciačaha, — pieramožca 2007 hoda Alaksiej Žyhałkovič.

Siarod muzykaŭ, čyje sačynieńni vykarystoŭvalisia ŭ filmach, Stanisłaŭ Maniuška, Hierman Dareŭski. Apošni i siońnia zastajecca asobaj nieviadomaj na radzimie.

Biełarusy amal ničoha nie viedajuć i pra Łuisa Bart Majera, kinapradziusiera, adnaho ź pieršych zasnavalnikaŭ halivudskaj kinastudyi «Metro-Goldwyn-Mayer» i Amierykanskaj Akademii kiniematahrafičnych mastactvaŭ i navuk.

Nie abyšłosia i biez pamyłak. Kampazitar, čyja muzyka hučała ŭ filmach, Nikałas Nabokaŭ, kuzin viadomaha piśmieńnika, naradziŭsia ŭ biełaruskim miastečku Lubča na Navahrudčynie. Ale składalniki topu paličyli, što heta pobač ź Minskam. Pa-za Minskam naradziŭsia i Fieliks Dziaržynski (Dziaržynava, Staŭbcoŭskaha rajona). A ŭ kino jon uvajšoŭ tolki ŭ jakaść hieroja, ab jakim zdymalisia stužki. Nie ŭ Minsku, a ŭ Babrujsku, naradziŭsia i Andrej Arłoŭski.

Uvieś śpis vyhladaje tak:

Andrej Arłoŭski (sambist, akcior)

Łuis Majer (kinapradziusier)

Jaŭhien Łazaraŭ (akcior)

Džyn Farbier (akcior)

Alaksandr Rybak (śpiavak, akcior)

Taćciana Čechava (aktorka)

Dźmitryj Jelaškievič (režysior, scenaryst, akcior)

Iosif Chiejfic (režysior, scenaryst)

Džordž Makkiej (akcior)

Andrej Ścierlinh (akcior)

Valeryj Rubinčyk (režysior, scenaryst)

Dźmitryj Kałdun (śpiavak)

Nikałas Nabokaŭ (kampazitar, piśmieńnik)

Maryna Linčuk (madel)

Dźmitryj Iosifaŭ (akcior)

Eł Chofman (kampazitar)

Alaksiej Žyhałkovič (śpiavak)

Ženia Mahieroŭna (aktorka)

Hierman Dareŭski (kampazitar, akcior)

Inakiencij Sičkar (akcior)

Nina Vołmark (scenaryst)

Hanna Dubroŭskaja (aktorka)

Natalla Miškucionak (fihurystka)

Jaŭhien Ruman (režysior, scenaryst)

Michaił Najfield (pradziusier)

Natalla Źvierava (tenisistka)

Volha Piarn (režysior)

Paul Karpienka (akcior)

Dźmitryj Šepieleŭ (televiadoŭca)

Vadzim Ełkind (apieratar, akcior)

Alaksandr Vałodzin (scenaryst, piśmieńnik)

Sem Mintc (scenaryst)

Ženia Naryškina (aktorka)

Iryna Zielanko (aktorka)

Michaił Tumiela (režysior, animatar)

Iosif Šapira (režysior)

Ježy Hiedrojc (publicyst, palityk)

Alena Mołčanka (aktorka)

Julija Stoma (aktorka)

Maks Sitnikaŭ (režysior)

Dzianis Sonin (režysior)

Viktar Paŭłoŭski (akcior)

Stefanija Staniuta (aktorka)

Alaksandr Arciemjeŭ (himnast)

Ryhor Cisiecki (režysior, dramaturh)

Maksim Sahałovič (scenaryst)

Vijaleta Krečatava (pradziusier)

Fieliks Dziaržynski (saviecki dziaržaŭny dziejač)

Anžalika Ahurbaš (śpiavačka)

Jakab Ben-Ami (akcior)

Stanisłaŭ Maniuška (kampazitar)

Anatol Safronaŭ (scenaryst, piśmieńnik)

Dźmitryj Śmirnoŭ (kampazitar)

Mikałaj Jeŭdakimaŭ (scenaryst, piśmieńnik)

Rusłan Zholič (režysior)

Alena Łapotka (animatar)

Vital Ščerba (himnast)

Dźmitryj Smolski (kampazitar)

• 0
• 0
• 0
• 0
• 0
• 0
• 0
• 0