Ckłady Wildberries: pad Maskvoj i ŭ Ćviery — mima, u Pieciarburhu pajšło z dymam. Jość papadańnie i ŭ NPZ
U noč na aŭtorak USU bili bieśpiłotnikami pa abjektach łahistyčnaj i naftavaj infrastruktury ŭ Rasii.
Vializny pažar zdaryŭsia na składzie Wildberries u pasiołku Krasny Bor Leninhradskaj vobłaści. Hety nasieleny punkt znachodzicca prykładna za 33 kiłamietry na paŭdniovy ŭschod ad Sankt-Pieciarburha.
Hubiernatar Leninhradskaj vobłaści Alaksandr Draździenka paźniej paćvierdziŭ u Telegram, što bieśpiłotniki nanieśli ŭdar pa nienazvanym składzie ŭ hetym pasiołku.
Žychary vobłaści raźmiaścili šmatlikija videa, ź jakich vynikaje, što niekalki ačahoŭ uzharańnia pastupova złučylisia ŭ ahromnisty pažar.
Raniej u lipieni USU vybili inšy bazavy skład rasijskaha hihanta internet-handlu pad Picieram — u Šušarach.
Na videa bačny čorny dym i nad łahistyčnym centram u horadzie Čechaŭ Maskoŭskaj vobłaści, jaki znachodzicca prykładna za 65 kiłamietraŭ na poŭdzień ad Kramla. Adnak tam u pramzonie byli ŭražanyja tolki druhasnyja abjekty. U toj ža čas pry padzieńni bieśpiłotnika na žyły dom zahinuli piać žycharoŭ.
U Ćviery bieśpiłotnik papaŭ u ścianu składa Wildberries.
Pažar na dośvitku spałachnuŭ i na naftapierapracoŭčym zavodzie ŭ Syzrani za 800 km ad linii frontu, u Pavołžy.
Kamientary
Sukupny doŭh Wildberries pierad rasiejskimi bankami aceńvajecca prykładna ŭ 1,3 tryljona rubloŭ.
A kuča "biznesmenaŭ" pavinna WB.
Hrošy harać, płacić niama čym.
Kryzis, ser)