Tempieratura vady ŭ biełaruskich vadajomach dasiahaje 25 hradusaŭ
Pa stanie na 10 žniŭnia tempieratura vady ŭ rekach Biełarusi składaje ad 14 da 25 hradusaŭ. U inšych vadajomach vada prahrełasia da 20—24 hradusaŭ. Takija źviestki pryviali ŭ Respublikanskim centry pa hidramietearałohii, kantrolu radyjeaktyŭnaha zabrudžvańnia i manitorynhu navakolnaha asiarodździa Minpryrody.
Pry hetym na bolšaści rek krainy praciahvajecca spad uzroŭniaŭ vady. Za sutki jany źnižajucca pieravažna na 1—20 santymietraŭ.
Rost uzroŭniaŭ vady, naadvarot, zafiksavany na asobnych učastkach Dźviny, Vilii, a taksama na rekach Druć i Śvisłač. Tam vada za sutki padymajecca ŭ asnoŭnym na 1—5 santymietraŭ.
Na race Roś, jakaja źjaŭlajecca prytokam Niomana, kala vioski Studzianiec uzrovień vady pieravyšaje adznaku vychadu na pojmu.
U šerahu bujnych rek uzrovień vady ŭžo apuściŭsia nižej za adznaki, jakija abmiažoŭvajuć sudnachodstva. Heta tyčycca Dźviny kala Viciebska, Niomana kala Hrodna, Dniapra kala Mahilova, Žłobina, Rečycy i Łojeva, Biareziny kala Babrujska i Śvietłahorska, Soža kala Kryčava, Słaŭharada i Homiela, a taksama Prypiaci kala vioski Černičy i Mazyra.
Pavodle prahnozaŭ hidrołahaŭ, u najbližejšyja dni na rekach Biełarusi budzie pieravažać dalejšaje źnižeńnie ŭzroŭniaŭ vady.
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary