Šašłyk, papachi i hruzinskija tancy. «Tbilisoba» viarnułasia ŭ Minsk praź siem hadoŭ
Paśla siamihadovaha pierapynku ŭ Minsk viarnułasia «Tbilisoba» — fiestyval hruzinskaj kultury, jaki kaliści byŭ zvykłaj častkaj haradskoj vosieni. Vydańnie «Anłajnier» schadziła pahladzieć, jakoj atrymałasia sustreča paśla doŭhaj razłuki.
Apošni raz «Tbilisobu» pravodzili ŭ Minsku ŭ 2019 hodzie. Da hetaha fiestyval prachodziŭ kožnuju vosień pačynajučy z 2015-ha, pryčym hulali tady ŭ Vierchnim horadzie. Hetym razam śviata źmianiła prapisku i pierabrałasia na placoŭku kala Pałaca sportu.
Samo śviata rodam z Hruzii. «Tbilisobu» tradycyjna adznačajuć u pačatku kastryčnika ŭ honar Tbilisi, zaadno źviazvajučy jaje z zakančeńniem sielskahaspadarčaha siezonu i zboram uradžaju. U Minsku hruzinskuju vosień vyrašyli sabrać u bolš kampaktnym vyhladzie, ale z usimi paznavalnymi składnikami.
Samaja zaŭvažnaja ź ich bačnaja jašče da sceny. Na fudkorcie adzin za adnym kruciacca šampury, miasa smažać praktyčna bieź pierapynku, a dym pieryjadyčna nakryvaje placoŭku. Pobač užo zaniatyja stoliki — chtości pryjšoŭ niepasredna na kancert, a chtości, zdajecca, całkam zadavoleny prahramaj z šašłyka i razmoŭ.
Jość i nievialiki kirmaš. Tut pradajuć kieramiku, rohi, zbany i inšyja rečy z hruzinskim kałarytam. Papachi možna nie tolki razhladzieć, ale i prymieryć — čym naviedvalniki aktyŭna karystajucca.
Asnoŭnaja prahrama tym časam idzie na vialikaj scenie. Pieršuju častku dnia adviali pradstaŭnikam roznych nacyjanalnych abjadnańniaŭ, jakija žyvuć u Biełarusi, a paśla 14:00 fiestyval całkam pieraklučyŭsia na Hruziju. U prahramie — pieśni, žyvaja muzyka i nacyjanalnyja tancy.
Z nadvorjem fiestyvalu taksama pašancavała. Pačatak kastryčnika ŭ Minsku siońnia bolš nahadvaje sprobu leta nienadoŭha viarnucca: sonca, błakitnaje nieba i mahčymaść spakojna siadzieć na vulicy biez zvykłaha vosieńskaha naboru z parasona i kapiušona.
U hetuju subotu ŭ Minsk viartajecca maštabny hruzinski fiestyval. Jaho nie pravodzili 7 hadoŭ
Fiestyval «Tbilisoba» paśla siamihadovaha pierapynku viartajecca ŭ Minsk
U Vilni projdzie fiestyval biełaruskaha falkłoru «Biełaruś Staražytnaja»
Na «Zubr-feście» ŭ Biełaviežskaj puščy błohieraŭ i artystaŭ adkormlivali zubracinaj
Kamientary
všiej podciepiť zachotiełoś? Jeśli b tam byli riadom s papachoj trusy, to tožie našliś by ochotniki pomieriať
trol halimy