U Łatvii na parłamienckich vybarach pieramahaje partyja ciapierašniaha premjera
Pavodle ekzitpołaŭ, na parłamienckich vybarach u Łatvii značna napieradzie inšych palityčnych sił apynuŭsia «Abjadnany śpis», jaki ŭznačalvaje premjer-ministr Andrys Kułbierhs. Papiarednija danyja pakazvajuć, što partyja mahła atrymać 35,6% hałasoŭ, piša Bi-bi-si.
Kali taki vynik paćvierdzicca, jon budzie niezvyčajna vysokim dla łatvijskaj palityčnaj sistemy. Bolš za 30% hałasoŭ paśla adnaŭleńnia niezaležnaści krainy raniej atrymlivali tolki partyi «Łatvijski šlach» u 1993 hodzie i «Adzinstva» ŭ 2010-m.
Daloka zzadu ad «Abjadnanaha śpisu» pavodle ekzitpoła raźmiaścilisia «Łatvija na pieršym miescy» z 11,3% i «Prahresiŭnyja» z 11,1%. Jašče try palityčnyja siły taksama pieraadoleli piacipracentny barjer: «Suvierennaja ŭłada/Maładyja łatyšy» atrymlivaje 10,8%, Nacyjanalnaje abjadnańnie — 8,7%, a «Novaje adzinstva» — 6,7%.
Ekzitpoł pravodziŭsia siarod 6500 vybarščykaŭ, apytanych paśla hałasavańnia. Prykładna 30% ź ich nie paviedamili, za kaho prahałasavali, tamu vyniki zastajucca papiarednimi.
«Abjadnany śpis» — pravacentrysckaja palityčnaja siła, stvoranaja ŭ 2022 hodzie šlacham abjadnańnia troch partyj. Jana prajšła ŭ Siejm i ŭvajšła va ŭradavuju kaalicyju, ale ŭ 2023 hodzie pierajšła ŭ apazicyju.
U mai 2026 hoda papiaredniaja ŭradavaja kaalicyja raspałasia paśla palityčnaha kryzisu, źviazanaha z zalotami bieśpiłotnikaŭ u Łatviju. Paśla hetaha premjer-ministram staŭ Andrys Kułbierhs, vyłučany «Abjadnanym śpisam». Da prychodu ŭ palityku jon byŭ źviazany z pradprymalnickim asiarodździem i pazicyjanavaŭ siabie jak čałavieka, zdolnaha vyrašać prablemy.
Paśla farmavańnia ŭrada na čale z Kułbierhsam padtrymka «Abjadnanaha śpisu» pačała prykmietna raści. Jašče napiaredadni vybaraŭ apytańni davali partyi značna mienšyja pakazčyki — kala 14—20%, tamu vynik ekzitpoła ŭ 35,6% staŭ rezkim pavieličeńniem u paraŭnańni z papiarednimi acenkami.
Siejm Łatvii kančatkova abmiežavaŭ viaščańnie hramadskich miedyja na ruskaj movie
U Łatvii rezka pavialičyŭsia zbožžavy tranzit ź Biełarusi. Za dzieviać miesiacaŭ u 913 razoŭ bolš, čym za ŭvieś minuły hod
U Łatvii zafarbavali darožnyja ŭkazalniki na Maskvu
U Łatvii vyjšaŭ novy imihracyjny zakon, jaki pastrožvaje ŭmovy dla biełarusaŭ
Dzie pracujuć i jak vyhladajuć žonki top-čynoŭnikaŭ?16
Dzie pracujuć i jak vyhladajuć žonki top-čynoŭnikaŭ?
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1111
Kamientary
Ja tak razumieju, ŭ hetym hodzie jon vyrašyŭ dapamahčy maskalam vyrašyć prablemu z transpartavańniem kradzienaha ŭkrainskaha ziernia?