Prezident Ukrainy Uładzimir Zialenski zajaviŭ, što padčas siońniašniaha načnoha rasijskaha ŭdaru pa Zaparožžy byli vykarystanyja balistyčnyja rakiety paŭnočnakarejskaj vytvorčaści. Pavodle ŭkrainskaha boku, u vyniku ataki zahinuli šeść čałaviek, jašče 19 atrymali ranieńni.
Zialenski śćviardžaje, što pa Zaparožžy Rasija naniesła ŭdary paŭnočnakarejskimi balistyčnymi rakietami, rakietami «Cyrkon» i kiravanymi avijabombami. Pavodle jaho słoŭ, ataka była nakiravanaja na toje, kab nanieści maksimalnuju škodu cyvilnaj infrastruktury.
Ukrainski prezident taksama zajaviŭ, što vajskovaje supracoŭnictva Rasii i KNDR praciahvaje pašyracca. Pavodle jaho infarmacyi, Maskva ŭžo atrymała ad Pchieńjana novuju partyju balistyčnych rakiet i rychtujecca raźmiaścić na svajoj terytoryi dadatkovy paŭnočnakarejski vajskovy kantynhient. Ukrainskija ŭłady aceńvajuć jaho mahčymuju kolkaść na 30—50 tysiač čałaviek, adnak krynica hetych źviestak nie ŭdakładniajecca.
Rasija i Paŭnočnaja Kareja značna zblizili vajskovyja suviazi paśla padpisańnia ŭ 2024 hodzie damovy ab usioachopnym stratehičnym partniorstvie. Paśla hetaha Pchieńjan pačaŭ akazvać Maskvie bolš šyrokuju vajskovyja padtrymku, a paŭnočnakarejskija vajskoŭcy byli zadziejničanyja, u bajach u Kurskaj vobłaści.
Vykarystańnie balistyčnych rakiet stvaraje dadatkovyja prablemy dla ŭkrainskaj supraćpavietranaj abarony. Takija rakiety zdolnyja pierachoplivać tolki asobnyja sistemy, u tym liku amierykanskija kompleksy Patriot. Pry hetym Ukraina sutykajecca z deficytam rakiet-pierachopnikaŭ.
Akramia Zaparožža, u tuju ž noč rasijskija vojski atakavali Kijeŭ i Dnieprapiatroŭskuju vobłaść. Rasijskaje Ministerstva abarony zajaviła pra hrupavy ŭdar vysokadakładnymi naziemnymi srodkami pa abjektach vajskova-pramysłovaha kompleksu i transpartna-łahistyčnaj infrastruktury ŭ Kijevie i Zaparožžy.
U Dnieprapiatroŭskaj vobłaści, pavodle słoŭ miascovych uładaŭ, rasijskija bieśpiłotniki i artyleryja atakavali piać rajonaŭ. Zahinuli try čałavieki, jašče piać atrymali ranieńni.
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary