U vydaviectvie «Papury» vyjšaŭ pierakład na biełaruskuju movu «Kazak dziadźki Rymusa» Džoeła Čendlera Charysa, ździejśnieny Sieržukom Miadźviedzievym. Knižka bahata ilustravanaja mastačkaj Marynaj Žvirblaj, piša bellit.info.
Sieryja knih piśmieńnika Džoeła Čendlera Charysa «Kazki dziadźki Rymusa» znakamitaja va ŭsim śviecie. U asnovie apaviadańniaŭ — afraamierykanski falklor paŭdniovych štataŭ Amieryki.
Hety zbornik źmiaščaje 34 daścipnyja i paznavalnyja kazki (možna čytać ź dziećmi ad 4 hadoŭ). Ale kniha budzie cikavaja nie tolki maleńkim čytačam, ale i darosłym, u tym liku tamu, što pry pierastvareńni pa-biełarusku pierakładčyk abraŭ stratehiju stylizacyi.
U aryhinale dla ciapierašniaha nośbita litaraturnaj anhielskaj movy kazki hučać niezvyčajna i čytajucca šmat u čym, jak krychu apracavany žyvy falklorny zapis, tamu šukajučy adpaviednuju intanacyju ŭ našaj movie Siaržuk Miadźviedzieŭ siarod inšaha natchniaŭsia biełaruskimi etnahrafičnymi zapisami 19 i 20 stahodździaŭ.
Kniha dakładna nie daść zasumavać ni maleńkim, ni darosłym čytačam. A humar i mudraść historyj u joj pakažuć, jak važna niahledziačy ni na što zachoŭvać badzioraść duchu i šukać vyjście navat z samych składanych situacyj.
Navinku možna kupić u kniharniach u Biełarusi, naprykład, «Parahraf 45», a taksama na zamović praz sajty: Oz.by.
Kamientary