Vyjšła kniha pieramožcy litkonkursu «Ekślibrys» Taćciany Bahdanavaj
U vydaviectvie SURMA vyjšła novaja kniha piśmieńnicy i mastački Taćciany Bahdanavaj. Uvosień 2025 hodu rukapis i makiet knihi «Nie na svaim miescy» pieramahli ŭ litaraturnym konkursie «Ekślibrys», prymierkavanym da 90‑hodździa z dnia naradžeńnia Anatola Kłyški.
«Adnojčy Alesia ź siamjoj pierajazdžaje. U novaj krainie ŭsio zdajecca joj dziŭnym i niepryvietnym. Ci atrymajecca ŭ Alesi znajści siabroŭ, palubić vialiki horad i adčuć siabie na svaim miescy?» — intryhuje anatacyja da knihi.
Heta kranalnaja historyja pra emihracyju i pošuki apiryšča ŭ novych abstavinach, ź jakimi sutyknulisia tysiačy biełaruskich dziaciej. Zrešty, krainy ŭ knizie nie nazyvajucca, tamu tvor Taćciany Bahdanavaj budzie zrazumieły i maleńkim čytačam daloka za miežami Biełarusi, jakija akazvajucca ŭ padobnych situacyjach.
Kniha «Nie na svaim miescy» ŭžo dastupnaja dla pakupki na sajcie, a nieŭzabavie źjavicca ŭ kniharniach u Varšavie (ul. Oleandrów 6/2) i Biełastoku (ul. Warszawska 1a).
Taćciana Bahdanava — biełaruskaja mastačka i aŭtarka rodam z Homiela. U 2023 hodzie ŭ vydaviectvie «Papury» vyjšła jaje dziciačaja kniha «Maciej i čaroŭnaja rasa».
Hetym letam ilustracyi da anhłamoŭnaha varyjanta knihi «Nie na svaim miescy» («Out of Place») trapili ŭ finał prestyžnaha mižnarodnaha konkursu Hiii Brand Illustrators Awards.
Brat biełaruskaj karalevy pryhažości trapiŭ u reanimacyju ŭ Azierbajdžanie4
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary